6 şıldede tūŋǧyş prezident Nūrsūltan Nazarbaev 85 jas toldy. Biyl eks-basşynyŋ tuǧan künıne bailanysty merekelık şaralar ötkızılmedı, dep habarlaidy «Adyrna» tılşısı.
Mereitoi qarsaŋynda Qazaqstannyŋ qazırgı prezidentı Qasym-Jomart Toqaev Nūrsūltan Nazarbaevty qūttyqtady. Ol Nazarbaevtyŋ jaŋa däuırdegı qazaq memlekettılıgınıŋ bastauynda tūrǧanyn atap öttı. Sondai-aq Qazaqstannyŋ qalyptasuy men damuyna zor üles qosqanyn mälımdedı.
6 şıldede Özbekstan basşysy Şavkat Mirziioev Nūrsūltan Nazarbaevqa telefon soǧyp, oǧan zor densaulyq, amandyq pen tabys tıledı. Özbek prezidentı özbek-qazaq arasyndaǧy dostyq, tatu körşılık, strategiialyq ärıptestık pen odaqtastyq qarym-qatynastardyŋ qazırgı deŋgeiı joǧary baǧalanatynyn jäne barlyq baǧyt boiynşa köpjaqty yntymaqtastyqtyŋ qarqyndy damyp kele jatqanyn atap öttı.
Sondai-aq Nūrsūltan Nazarbaevty Belarus prezidentı Aleksandr Lukaşenko qūttyqtady.
«Sızdıŋ danalyǧyŋyz ben ömırlık täjıribeŋız ainalaŋyzdaǧy adamdardy şabyttandyra bersın», – dedı basşy.
Aita keteiık, Nūrsūltan Nazarbaev 1991 jyldan 2019 jylǧa deiın el prezidentı bolǧan edı. 1989-1991 jyldary ol Qazaqstan Kommunistık partiiasy ortalyq komitetınıŋ bırınşı hatşysy qyzmetın atqarǧan.
Nazarbaev bilıkten ketkennen keiın de bırqatar maŋyzdy lauazymdardy saqtap qaldy. Atap aitsaq, 2021 jylǧa deiın «Nūr Otan» (qazırgı Amanat - red.) partiiasynyŋ töraǧasy, al 2022 jylǧa deiın Qauıpsızdık keŋesınıŋ basşysy boldy. Odan bölek, Nazarbaev ūzaq uaqyt «elbasy» atanyp jürdı, bıraq mūndai märtebe 2022 jyly joiyldy.
