Antıkor Aqmola oblysynda bıýdjet qarajatynyń negizsiz jumsalýynyń aldyn aldy, dep habarlaıdy "Adyrna" tilshisi.
Aqmola oblysynda "Kókshetaý" jazýyn túzetý úshin memlekettik bıýdjetten qyrýar qarjy bólmek bolǵany anyqtaldy.
2023 jyldyń shildesinde qolaısyz aýa raıyna baılanysty Kókteshtaý qalasyndaǵy jazýdyń «TAÝ» áripteriniń metall konstrýkııasyna zaqym kelgen bolatyn.
Ákimdik jel qıratqan áripterdi qalpyna keltirý úshin, sonymen qatar, «Kókshe» jazýyndaǵy áripterdi nyǵaıtý úshin bastapqyda 18 mln teńgege jýyq qarajat jumsamaq bolǵan.
Qoǵamdyq rezonans týdyrǵan jaǵdaı antıkordyń da nazarynan tys qalmaǵan.
"Monıtorıng sheńberinde óńirlik Antıkor ókilderi obektige baryp, qurylymdy ornatý jáne jóndeý barysyn qadaǵalady. Sondaı-aq, barlyq múddeli taraptardyń qatysýymen kezdesý ótkizilip, onda departament qalpyna keltirý jumystarynyń baǵasyn tómendetý jáne jazýdy jóndeý sapasyn qamtamasyz etý qajettigin atap ótti. Nátıjesinde qala ákimdigi sharttyń qunyn 4 mln teńgege tómendetti. Bul aqshalaı qarajatty máslıhat sessııasy ótkizilgennen keıin qala turǵyndarynyń áleýmettik qajettiligine bólý josparlanǵan", — dedi vedomstvodan.
