Būqaralyq aqparat qūraldary qyzmetkerlerı künı qarsaŋynda «AMANAT»partiiasy jurnalister arasynda ötkızıletın dästürlı respublikalyq «AMANAT mediasyilyǧynyŋ» qorytyndysyn şyǧardy. Biyl 10 nominasiia boiynşa 11 jeŋımpaz anyqtaldy. Jalpy, osy uaqyt aralyǧynda būl marapatty otandyq media salasynyŋ 150-den astam ökılı ielendı.
«AMANAT» partiiasy jurnalister arasyndaǧy osy respublikalyq baiqaudy 16 jyl qatarynan ötkızıp keledı. Osy jyldar aralyǧynda atalǧan ıs-şara elımızdıŋ aqparat salasyndaǧy maŋyzdy oqiǧaǧa ainaldy. Mäjılıs Spikerı, «AMANAT» partiiasynyŋ Töraǧasy Erlan Qoşanov baiqau jeŋımpazdary men būqaralyq aqparat qūraldarynyŋ barşa ökılın aldaǧy käsıbi merekelerımen qūttyqtady.
«Keşe ǧana Memleket basşysy Qasym-Jomart Kemelūly Toqaev barşa jurnalister qauymyn qūttyqtap, märtebelı marapattar tapsyrdy. Prezidentımız ūlttyq media – halyqtyŋ ünı, al jurnalist jasampazdyq jarşysy ekenın erekşe atap öttı. Rasymen de, jurnalist – qoǧamnyŋ ainasy, şyndyqtyŋ şyraqşysy, halyqtyŋ amanatyn arqalauşy. Mūnyŋ bärı būqaralyq aqparat qūraldarynyŋ qoǧamdaǧy rölı men alar ornyn aiqyndaidy. Sızder – qoǧamdyq pıkır qalyptastyrasyzdar. Sondyqtan sızderge degen yqylas ta, ıltipat ta, artylatyn senım de joǧary», – dedı ol.
Sondai-aq Erlan Qoşanov bügınde «AMANAT»partiiasy öz sailaualdy baǧdarlamasyn jüzege asyru aiasynda BAQ-pen tyǧyz bailanysta jūmys ıstep kele jatqanyn jetkızdı. Sonymen qatar ol jurnalisterdıŋ «Jer amanaty», «Auyl amanaty», «Qaryzsyz qoǧam» jäne özge de partiialyq jobalardy jüzege asyruǧa qosqan eleulı ülesın atap öttı. Onyŋ barlyǧy azamattardyŋ naqty mäselelerın şeşuge baǧyttalǧan.
Mäjılıs Spikerı media syilyq arqyly partiia elımız üşın asa maŋyzdy mäselelerge BAQ nazaryn audaratyny atap öttı. Būl – Memleket basşysynyŋ reformalary, tarihi oqiǧalar, partiialyq jobalar. Būl taqyryptar jurnalisterge etene jaqyn. Biyl baiqauǧa 3000-ǧa juyq ötınım kelıp tüstı. Barlyq jūmystyŋ törtten bır bölıgı «Eŋbek adamy turaly üzdık material» nominasiiasyna tiesılı. Sonymen qatar biyl alǧaş ret elımızdıŋ ekologiialyq kün tärtıbıne üles qosqan jürnalister üşın «Taza Qazaqstan» arnaiy nominasiiasy, sondai-aq Konstitusiianyŋ 30 jyldyǧyna arnalǧan nominasiia taǧaiyndaldy. Aimaqtyq jurnalistikaǧa, sondai-aq äleumettık jelılerde qoǧamdyq pıkır qalyptastyratyn blogerlerge erekşe nazar audaryldy.
Osylaişa, Jıger Särsen «Televiziia üzdıgı»nominasiiasy boiynşa jeŋımpaz atandy. Onyŋ aituynşa, «AMANAT» partiiasy el müddesıne adaldyq tanytyp, jurnalisterdıŋ käsıbi eŋbegın baǧalaudyŋ jarqyn ülgısıne ainalǧan konkurs ötkızu arqyly otandyq jurnalistikaǧa köp jyljan-jaqty qoldau körsetıp keledı.
Al Amankeldı Qūrmet «Alaş amanaty»arnaiy nominasiiasyn ielendı. Onyŋ materialy tarihi jadyny jaŋǧyrtuǧa, saqtauǧa jäne ūlttyq bıregeilık taqyrybyna arnaldy. Onyŋ aituynşa, būl marapat – tek bır maqala üşın emes, jalpy ūlttyq qūndylyqtar sabaqtastyǧyn nyǧaituǧa baǧyttalǧan käsıbi qyzmetıne berılgen joǧary baǧa. Ol «AMANAT» partiiasy ūlttyq sanaqalyptastyratyn maŋyzdy taqyryptarǧa jüielı türde qoldau körsetetının jäne mūndai jūmys jurnalist käsıbıne tereŋ maǧyna beretının atap öttı.
Konkurstyq komissiianyŋ şeşımı boiynşa, biyl «AMANAT media syilyǧynyŋ» kelesıdei jeŋımpazdary anyqtaldy:
Arnaiy syilyq iegerlerı:
