Almaty qalasyndaǧy Sairan kölıne jasöspırım men eresek er adam batyp kettı. Qaiǧyly oqiǧa 25 mausymda boldy, dep habarlaidy «Adyrna» tılşısı.
Qalalyq TJD mälımetınşe, 109 qyzmetıne jasöspırımnıŋ suǧa ketkenı turaly habar tüsken soŋ, oqiǧa ornyna süŋguırler kelıp, 2007 jyly tuǧan jıgıttıŋ denesın sudan alyp şyqqan. Al onyŋ qasyndaǧy taǧy bır jasöspırım öz betımen jaǧaǧa jüzıp şyqqan.
Departament sol künı keşke 1977 jyly tuǧan er adamnyŋ da batyp ketkenın mälımdedı. Kuägerlerdıŋ aituynşa, marqūm mas küiınde bolyp, tyiym salynǧan aumaqta şomylyp jürgen.
Tötenşe jaǧdailar departamentı Sairan kölınde şomyluǧa barlyq qūrylys, sanitarlyq ıs-şaralar aiaqtalǧanǧa deiın jäne nysan resmi paidalanuǧa berılgenge deiın qataŋ tyiym salynǧanyn habarlady.
«Tyiym salu tärtıbı būzylǧan jaǧdaida qoldanystaǧy zaŋnamaǧa säikes aiyppūldardy qosa alǧanda, azamattarǧa äkımşılık yqpal etu şaralary qoldanylatyn bolady. Qala tūrǧyndary men qonaqtaryn sudaǧy qauıpsızdık erejelerın saqtauǧa, sondai-aq rūqsat etılmegen jerlerde şomyludan bas tartuǧa şaqyramyz»,—dedı qalalyq TJD baspasöz qyzmetı.
