Astana qalasynda «KamAZ» markaly júk kóliginiń júrgizýshisi róldi basqara almaı, LRT qorshaýyna soǵyldy. Bul týraly Instagram-da vıdeo jarııalandy, dep habarlaıdy “Adyrna” ulttyq portaly.
Elordalyq Polıııa departamenti oqıǵaǵa qatysty túsinikteme berdi.
Vedomstvonyń málimetinshe, jol apaty 5 jeltoqsan kúni saǵat 12:20 shamasynda bolǵan. Apattan zardap shekkender joq.
«KamAZ markaly kóliginiń 31 jastaǵy júrgizýshisi Syǵanaq kóshesimen júrip, Túrkistan kóshesinen Qabanbaı batyr dańǵylyna qaraı kele jatyp, jol jamylǵysyn eskermeı jáne róldi basqara almaı, qorshaýǵa soǵylyp, ony zaqymdaǵan (baǵanasy búlinbegen)», – dep málimdedi Astana PD baspasóz qyzmeti.
Júrgizýshige qatysty ÁQBtK 610-babynyń 1-bóligi (Kólik quraldaryn júrgizýshilerdiń adamdardyń densaýlyǵyna zııan keltirý, kólik quraldarynyń nemese ózge de múliktiń búlinýine ákep soqqan jol qozǵalysy erejelerin buzýy) boıynsha ákimshilik is qozǵaldy.
Polıııa kólik ıelerin kóktaıǵaq kezinde joldarda óte saq jáne muqııat bolýǵa shaqyrdy.
