Turǵyndarǵa syıaqy beriledi

747

Aqtóbede qalalyq ákimdik janynan qoǵamdyq qor qurylyp, vandalızmge qatysty dáıekter men derekterdi jetkizgen turǵyndarǵa syıaqy berý jaǵy qarastyrylýda dep habarlaıdy "Adyrna" ulttyq portalynyń tilshisi.

Sońǵy jyldary Aqtóbede qoǵamdyq múlikti búldirý, urlaý derekteri kóbeıgen. Zań buzýshylyq jasaǵandar jazadan qutylyp ketip jatyr. Osyǵan oraı qala ákimdigi bastama kóterip,  buǵan jergilikti kásipkerler qoldaý tanytyp otyr. Atalǵan joba qolǵa alynsa, aldaǵy ýaqytta qoǵamdyq oryndarda qala múlkin urlaǵandar men búldirgender qatań jazalanyp, tártip kúsheımek.

— Jýyrda Memleket basshysy Qasym-Jomart Toqaev vandalızmge qatysty óz pikirin bildirgen bolatyn. Biz muny óte oryndy dep bilemiz. Osy oraıda qalamyzda turǵyndardyń is-áreketterin kóre otyryp, bolashaqta aıyppul men keltirilgen zalal qunynyń kólemi artady. Biz osy maqsatta jumys tobyn quryp jatyrmyz. Eger qala múlkin urlap nemese búldirgender anyqtalsa, bul týraly turǵyndar bizge shuǵyl túrde habarlaıtyn bolsa, jaýapty mekemeler qamaý, aıyppul tóleý máselesin qolǵa alatyn bolady. Vandalızmmen el bolyp kúresetin ýaqyt keldi dep oılaımyn. Sebebi sońǵy kezde memleket qarjysyna salynǵan nysandar men qoǵamdyq oryndarda tártipsizdik is-áreketterge jıi jol beriletin boldy. Eger biz qalamyzdyń taza bolǵanyn, ortaq múlikterdiń uqypty saqtalýyn qalaıtyn bolsaq, turǵyndardy tártipke shaqyrýymyz kerek. Zańdy túrde talapty kúsheıtip, vandalızm áreketterin habarlaǵan adamǵa syıaqy taǵaıyndaý algorıtmin aıqyndaýymyz kerek, — dedi qala ákimi A.Shaharov atalǵan máselege qatysty oıyn bildirip.

Aıta ketý kerek,  jumys tobynyń músheleri aldaǵy ýaqytta zańsyz áreketterdi polıııaǵa jetkizý úshin foto, vıdeo aıǵaqtardy usyný joldaryn jáne tólenetin syıaqy kólemin anyqtaýdy qolǵa almaq. Sondaı-aq Aqtóbede bul máseleniń aldyn alý úshin qala shetindegi kóshelerge beınekameralar ornatylyp, qarańǵy aýmaqtar jaryqtandyrylady. 

 

"Adyrna" ulttyq portaly.

Pikirler
Uqsas jańalyqtar