Aqtöbede qalalyq äkımdık janynan qoǧamdyq qor qūrylyp, vandalizmge qatysty däiekter men derekterdı jetkızgen tūrǧyndarǧa syiaqy beru jaǧy qarastyryluda dep habarlaidy "Adyrna" ūlttyq portalynyŋ tılşısı.
Soŋǧy jyldary Aqtöbede qoǧamdyq mülıktı büldıru, ūrlau derekterı köbeigen. Zaŋ būzuşylyq jasaǧandar jazadan qūtylyp ketıp jatyr. Osyǧan orai qala äkımdıgı bastama köterıp, būǧan jergılıktı käsıpkerler qoldau tanytyp otyr. Atalǧan joba qolǧa alynsa, aldaǧy uaqytta qoǧamdyq oryndarda qala mülkın ūrlaǧandar men büldırgender qataŋ jazalanyp, tärtıp küşeimek.
— Juyrda Memleket basşysy Qasym-Jomart Toqaev vandalizmge qatysty öz pıkırın bıldırgen bolatyn. Bız mūny öte oryndy dep bılemız. Osy oraida qalamyzda tūrǧyndardyŋ ıs-äreketterın köre otyryp, bolaşaqta aiyppūl men keltırılgen zalal qūnynyŋ kölemı artady. Bız osy maqsatta jūmys tobyn qūryp jatyrmyz. Eger qala mülkın ūrlap nemese büldırgender anyqtalsa, būl turaly tūrǧyndar bızge şūǧyl türde habarlaityn bolsa, jauapty mekemeler qamau, aiyppūl töleu mäselesın qolǧa alatyn bolady. Vandalizmmen el bolyp küresetın uaqyt keldı dep oilaimyn. Sebebı soŋǧy kezde memleket qarjysyna salynǧan nysandar men qoǧamdyq oryndarda tärtıpsızdık ıs-äreketterge jiı jol berıletın boldy. Eger bız qalamyzdyŋ taza bolǧanyn, ortaq mülıkterdıŋ ūqypty saqtaluyn qalaityn bolsaq, tūrǧyndardy tärtıpke şaqyruymyz kerek. Zaŋdy türde talapty küşeitıp, vandalizm äreketterın habarlaǧan adamǧa syiaqy taǧaiyndau algoritmın aiqyndauymyz kerek, — dedı qala äkımı A.Şaharov atalǧan mäselege qatysty oiyn bıldırıp.Aita ketu kerek, jūmys tobynyŋ müşelerı aldaǧy uaqytta zaŋsyz äreketterdı polisiiaǧa jetkızu üşın foto, video aiǧaqtardy ūsynu joldaryn jäne tölenetın syiaqy kölemın anyqtaudy qolǧa almaq. Sondai-aq Aqtöbede būl mäselenıŋ aldyn alu üşın qala şetındegı köşelerge beinekameralar ornatylyp, qaraŋǧy aumaqtar jaryqtandyrylady.
"Adyrna" ūlttyq portaly.
Ūqsas jaŋalyqtar
