Atyraý oblysynda sýǵa batyp ketken Mahambet aýdany ákiminiń máıiti tabyldy. Bul týraly oblys ákimdiginiń baspasóz qyzmeti habarlady, dep jazady "Adyrna" ulttyq portaly.
Tótenshe jaǵdaılar departamentiniń habarlaýynsha, 31 shilde kúni sýǵa batyp ketken ákimniń denesi 1 tamyz keshki 20.00-de oqıǵa ornynan 25 shaqyrym jerde Saraıshyq aýylynyń shetinde Jaıyq jaǵasynan jergilikti turǵyndar tapty. Sot-medıınalyq saraptama taǵaıyndaldy.
"Búgin túnde Jaıyq ózeninen Mahambet aýdany ákiminiń máıiti tabyldy. Quzyrly organdar osy derek boıynsha tekseris júrgizip jatyr. Rınat Baýyrjanuly óz isiniń kásibı mamany retinde áriptesteriniń esinde qalady. Atyraý oblysynyń ákimi jáne barsha áriptesteri Rınat Baýyrjanulynyń mezgilsiz dúnıeden ótýine oraı marqumnyń otbasy men jaqyndaryna qaıǵyryp kóńil aıtady", – dep habarlady ákimdik.
Aıta keteıik, Rınat Janqylysh 2021 jyldyń aqpan aıynda Mahambet aýdanynyń ákimi bolyp taǵaıyndalǵan.
"Adyrna" ulttyq portaly
