Qostanaidyŋ mamandandyrylǧan äkımşılık soty kölıkke beiädep jazuy bar japsyrma japsyrǧan äielge äkımşılık aiyppūl saldy, dep habarlaidy "Adyrna" ūlttyq portaly Tengri Auto-ǧa sıltep.
Oqiǧa 10 mausym künı tırkelgen. Jol-patrul qyzmetı äiel jürgızuşınıŋ kölıgınen ädepke sai kelmeitın sözder jazylǧan japsyrma tapqan.
Jürgızuşı sotta būl jazbany jol qozǧalysy qauıpsızdıgıne qoǧam nazaryn audaru maqsatynda ornatqanyn aityp, mūndai sözder jük kölıkterınde jiı kezdesetının jäne eşkımdı qorlamaǧanyn jetkızdı.
Alaida sot mūndai ärekettı qoǧamǧa qūrmetsızdık tanytu ärı qoǧamdyq tärtıptı būzu dep baǧalady. Avtokölık qala köşelerınde jürgendıkten, jazudy köptegen adamnyŋ körgenı esepke alyndy. Oǧan 20 ailyq eseptık körsetkış kölemınde 78 640 teŋge aiyppūl salynǧan.
Sot şeşımı älı zaŋdy küşıne engen joq.
