16 mausymda internet keŋıstıgınde Qazaqstan azamattarynyŋ jeke mälımetterı – 16,3 million jazba aşyq qoljetımdılıkke tarady degen aqparat paida boldy. Būl mälımettı Kiberşabuyldardy taldau jäne zertteu ortalyǧynyŋ (SARKA) basşysy Oljas Satiev rastady, dep habarlaidy "Adyrna" ūlttyq portaly.
Taraǧan derekterdıŋ ışınde azamattardyŋ aty-jönı, tuǧan künı, jynysy, JSN, tırkeudegı mekenjaiy, tūrudyŋ bastalu künı, ūialy jäne üi telefon nömırlerı, azamattyǧy men ūlty siiaqty maŋyzdy jeke mälımetter bar.
Osyǧan bailanysty Sifrlyq damu, innovasiialar jäne aeroǧaryş önerkäsıbı ministrlıgı resmi mälımdeme jasady. Vedomstvo mälımetınşe, qazırgı uaqytta internette taralǧan aqparatqa bailanysty barlyq uäkılettı organdar men tehnikalyq qyzmetter jūmyldyrylyp, keşendı tekseru jürgızılıp jatyr.
«Alǧaşqy taldau nätijesı boiynşa, köpşılık derekter eskı boluy mümkın. Sondyqtan tekseru aiaqtalmai tūryp, būl aqparattyŋ naqty ärı şynaiy ekenın rastau nemese joqqa şyǧaru erte», – delıngen ministrlık habarlamasynda.
Ministrlık aldaǧy uaqytta qosymşa aqparat tekseru tolyq aiaqtalǧannan keiın berıletının aitty. Sonymen qatar, azamattarǧa eGov portaly arqyly jeke habarlama joldanady dep josparlanyp otyr.
