Qazaqstan halqy Assambleiasynyŋ 30 jyldyǧy jäne Jūmysşy mamandyqtary jyly aiasynda «Adal azamat – ūlt kelbetı» taqyrybynda Qazaqstan halqy Assambleiasy Aqsaqaldar keŋesınıŋ V Respublikalyq forumy öttı, dep habarlaidy "Adyrna" ūlttyq portaly.
17 mausymda qatysuşylar Almaty elektromehanikalyq kolledjıne baryp, jūmysşy mamandyqtarynyŋ damu barysymen jäne jastardy käsıptık baǧdarlau üderısterımen tanysty.
Negızgı plenarlyq otyrys 18 mausymda Almaty qalasyndaǧy Respublikalyq Dostyq üiınde öttı. Jiynǧa Qazaqstan halqy Assambleiasy Töraǧasynyŋ orynbasary, QR Prezidentı Äkımşılıgınıŋ QHA Hatşylyǧynyŋ meŋgeruşısı Marat Äzılhanov töraǧalyq ettı.
Forum jūmysyna Almaty qalasy äkımdıgı, etnomädeni bırlestıkter men ükımettık emes ūiymdardyŋ müşelerı, Analar keŋesınıŋ müşelerı, QHA öŋırlık Aqsaqaldar keŋesterınıŋ töraǧalary qatysty.
Jiyn barysynda jyl basynan berı elımızde assambleia aiasynda 1000-nan astam ıs-şara ötkenın, onyŋ ışınde jastarǧa baǧyttalǧan jobalar men qoǧamdyq kelısımdı nyǧaituǧa arnalǧan bastamalardyŋ keŋ kölemde qamtylǧanyn jetkızdı.
Öz sözınde Marat Äzılhanov adal, eljandy, jauapkerşılıgı joǧary azamattardy tärbieleudıŋ maŋyzyn erekşe atap öttı.
«Bızdıŋ üilestırıp jatqan barlyq jūmysymyzdyŋ tüpkı maqsaty – adal, patriotty, elın süietın ärı jauapkerşılıgı joǧary azamatty tärbieleu. Osy baǧytta qolǧa alynǧan “Aqsaqal taǧylymy” jobasy – däl osy maqsatqa jauap beretın naqty bastama», – dedı Marat Almasūly.
Forumda Almaty qalasy äkımınıŋ orynbasary Almas Qaldybekov, Analar keŋesınıŋ töraǧasy, bırneşe ziialylar türlı ūsynystar aitty.
"Adal azamat - ūlt kelbetı" atty QHA Aqsaqaldar keŋesterınıŋ V respublikalyq forumynda "Adal azamat " bırtūtas tärbie baǧdarlamasynyŋ ideologemasy da keŋınen talqylandy.
