Qazaqstanda balalarǧa arnalǧan sim-karta paida boldy. Būl turaly Bas prokuraturanyŋ baspasöz qyzmetımälımdedı, dep habarlaidy "Adyrna".
Prokuraturanyŋ mälımetınşe, pilottyq joba Almaty qalasynda qosylǧan. SIM KIDS jobasy kämeletke tolmaǧan balalardy internettegı ziiandy kontentten qorǧaudy közdeidı.
SIM KIDS jobasy Bas prokurordyŋ tapsyrmasymen jüzege asyrylǧan. 2023-2025 jyldarǧa arnalǧan balalardy zorlyq-zombylyqtan qorǧau, suisidtıŋ aldyn alu jäne olardyŋ qūqyqtary men äl-auqatyn qamtamasyz etu jönındegı Keşendı josparǧa kämeletke tolmaǧandardy internettegı destruktivtı kontenttıŋ ziiandy äserınen qorǧauǧa baǧyttalǧan ūsynystar äzırlengen.
«Osy bastama aiasynda Almaty qalasynyŋ prokuraturasy TELE2/ALTEL bailanys operatorymen bırlesıp «SIM KIDS» pilottyq jobasyn ıske qosty. Būl internetke qauıpsız jäne baqylanatyn qol jetkızudı qamtamasyz etetın arnaiy balalar SIM-kartasy», – delıngen baspasöz habarlamasynda.
Prokuraturanyŋ mälımetınşe, balalarǧa arnalǧan sim-karta avtomatty türde ziiandy kontenttı būǧattap otyrady. Kartanyŋ bır erekşelıgı balanyŋ telefony dybyssyz rejimde bolsa da, ata-ananyŋ balamen bailanys ornatuyna mümkındık beredı. Sondai-aq ata-analar balanyŋ qosymşalardaǧy belsendılıgın baqylai alady.
Joba pilottyq synaqtan sättı ötken. Qazırgı uaqytta sim-kartany kez-kelgen adam paidalana alady.
