Memleket basşysy mäslihattar deputattarynyŋ II respublikalyq forumynda balalar qauıpsızdıgıne qatysty söz söiledı, dep habarlaidy “Adyrna” ūlttyq portaly.
“Balalardyŋ qauıpsızdıgın qamtamasyz etu, qūqyqtaryn qorǧau, olardyŋ jan-jaqty damuy üşın qolaily jaǧdai jasau – memlekettık saiasattyŋ eŋ basty basymdyǧy. Salalyq ministrlık bolsyn, äkımdık nemese qūqyq qorǧau qūrylymy bolsyn, uäkılettı organdardyŋ bärı öz qyzmetın mültıksız oryndap, jūmysyn üilestıruı kerek. Baqytty balalyqtyŋ negızı otbasy instituty ekenın jäne solai bolyp qala beretının tüsıngen jön. Bızdıŋ qoǧam qazır betpe-bet kelgen köptegen mäsele men keseldıŋ tüp-tamyry ata-analardyŋ bala tärbiesıne öz deŋgeiınde aralaspauynan bastalady. Ūrpaqtyŋ sifrlyq dünielerge täueldı boluy men virtualdy älemge şekten tys qūmartuy naǧyz dertke ainaldy. Balalarǧa qatysty kez kelgen qaiǧyly jaǧdai menıŋ janyma batady. Memlekettık organdardyŋ nazaryn dereu osyndai jaǧdailarǧa audaryp, tiıstı tapsyrmalar berıp, oryndaluyn tūraqty baqylauymda ūstaimyn. Söz joq, zamanaui tehnologiialar damuǧa daŋǧyl jol aşady, sondai-aq ömırımızge aitarlyqtai qauıp te töndıredı. Tanymal äleumettık jelıler balalardy ǧana emes, ülkenderdı de zombige ainaldyruy mümkın. Ata-analar balalarynyŋ tärbiesın memleketke nemese mektepke ysyra salmauy kerek. Gadjetterdıŋ qūrsauynda qaldyruǧa tıptı bolmaidy. Balalaryna sifrlyq gigienanyŋ qarapaiym erejelerın üiretuge ata-ana jauapty. Ūl-qyzdarymyzǧa köŋıl bölu, bırge uaqyt ötkızu, olardy alaŋdatqan mäseleler jaiynda äŋgımelesu maŋyzdy. Balanyŋ smartfon nemese kompiuter paidalanǧan kezınde ne ıstep jatqanyn qataŋ qadaǧalau qajet”, - dedı Qasym-Jomart Toqaev.Ūqsas jaŋalyqtar
