29 şıldede "QazMūnaiGaz" ŪK AQ (būdan ärı - QMG) Basqarma töraǧasy Maǧzūm Myrzaǧaliev Maŋǧystau oblysyna jūmys saparynda "Caspi Bitum" BK JŞS bardy.
Esterıŋızge sala keteiık, Memleket basşysy Qasym-Jomart Toqaev 2022 jylǧy 14 şıldede ötken Ükımettıŋ keŋeitılgen otyrysynda jol qūrylysy üşın qajettı materialdardyŋ jetıspeuşılıgı jasandy jäne jol bitumy salasyndaǧy otandyq öndırıstıŋ äleuetı tolyq paidalanylmai otyr, - dep mälımdegen.
«Qazaqstanda jol qūrylysyna qajettı materialdyŋ bärı bar. Bıraq, otandyq öndırıstıŋ äleuetı tolyq qoldanylmaidy. Mūny tıptı qoldan jasalǧan tapşylyq deuge bolady. Mysaly, elımızde bitum öndıretın üş zauyt bar. Soǧan qaramastan, 200 myŋ tonna bitum jetıspeidı», - dep aitqan QR Prezidentı joldardy sapaly salu üşın jergılıktı resurstardy belsendı paidalanuǧa şaqyrǧan.Jol bitumyn öndıru boiynşa Aqtau "Caspi Bitum" zauyty 2013 jyly paidalanuǧa berıldı. Mūnai öŋdeude jobalyq jyldyq quaty million tonna. Qarajanbas ken ornynan alynatyn erekşe mūnaidy qaita öŋdeu arqyly TMD elderındegı eŋ üzdıktıŋ bırı jäne joǧary sapaly jol bitumyn öndıruge mümkındık beredı. Ötken jyly zauytta jaŋǧyrtular jürgızılıp, totyqqan bitum öndıru boiynşa quaty ūlǧaidy. Zauyt tasymaldau jäne saqtau kezınde bitumnyŋ joǧary sapasyn saqtaityn big-begte ölşep oralǧan bitumdy, sondai-aq joǧary jäne tömen temperaturalarǧa ikemdılık pen tözımdılıktıŋ jaqsartylǧan sipattamalaryna ie türlendırılgen bitum siiaqty innovasiialyq önımderdı öndıredı. Daiyn önım şyǧaru kölemıne keletın bolsaq, 2021 jyly zauyt 400 myŋ tonnadan astam bitum şyǧardy, al 2022 jyldyŋ basynan bastap zauyttan 240 myŋ tonnaǧa juyq joǧary sapaly jol bitum jöneltıldı. Sapar barysynda "QazMūnaiGaz" basşysy zauyt quatyn 1,5 esege arttyru prosesın jedeldetudı jäne qysqa merzımde būl mäselenı JŞS pen QMG tiıstı organdarynyŋ qarauyna şyǧarudy tapsyrdy.
"Qazırgı uaqytta Aqtau bitum zauytynyŋ mūnai öŋdeu kölemın jylyna 1 millionnan 1,5 million tonnaǧa deiın ūlǧaitu mümkındıgı bar. Qazırdıŋ özınde jobalyq-smetalyq qūjattamany äzırleuge kırıstık. Būl joba käsıporyndaǧy bitum öndırısın jylyna 750 myŋ tonnaǧa deiın arttyruǧa mümkındık beredı", — dep baiandady Bas direktordyŋ mındetın atqaruşy Atymtai Baltabaev.Sondai-aq, M.Myrzaǧaliev mausymaralyq kezeŋde ölşep oralǧan bitumdy odan ärı ıske asyrudy ūiymdastyrudy tapsyrdy jäne öndırıstık körsetkışterdı kötere otyryp, öndırıstegı äleumettık tūraqtylyqqa qamqorlyq jasau, eŋbek jaǧdailaryn jäne jūmyskerlerdıŋ äl-auqatynyŋ deŋgeiın jaqsartu, käsıporynnyŋ öŋırdegı äleumettık maŋyzdylyǧyn arttyru asa maŋyzdy ekenın atap öttı. Anyqtama: Zauyt düniejüzınıŋ kez-kelgen nüktesıne tasymaldau kezınde tüpnūsqalyq sapany saqtap qaluǧa mümkındık beretın oralǧan bitumdardy, äsırese ülken paketterde şyǧaru qarqynyn arttyrudy jalǧastyruda. Aqtau zauytynyŋ bitumy "Batys Europa – Batys Qytai" trassasyn qosa alǧanda, elımızdıŋ barlyq strategiialyq avtojoldarynyŋ qūrylysy kezınde qoldanyldy. Sondai-aq, zauyt önım sapasyn, tehnologiialyq syzbalardy arttyru, biznes-prosesterdı jetıldıru baǧytynda üzdıksız jūmys ısteude. 2022 jyldyŋ köktemınde "Caspi Bitum" BK JŞS halyqaralyq menedjment jüiesındegı ISO 55001:2014 standarttarynyŋ talaptaryna säikestık sertifikaty rastaldy.
