Memlekettik grant utyp, sharýalaryn dóńgeletip, adal eńbek etip otyrǵan otbasylar sany ósýde. Sonyń biri Batys Qazaqstan oblysy Bókeı Orda aýdanynyń týmasy Almagúl Saharbaevna týraly aıtqymyz keledi.
Baktygýlova Almagúl Saharbevna - Bókeı ordasy aýdany, Saıqyn aýylynyń turǵyny, az qamtylǵan otbasy retinde «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda jańa bıznes-ıdeıalardy iske asyrýǵa arnalǵan memlekettik grantqa qatysyp, 583 400 teńge kóleminde grant ıegeri atandy.
«Meniń aýlam – meniń baǵym» jobasy arqyly 6 túp alma teregi, 4 túp órik teregi jáne 68 túp tańqýraı (malına) otyrǵyzdy.
Oǵan qosa terek otyrǵyzýǵa arnalǵan qural jabdyqtaryn satyp aldy. Qazirgi ýaqytta Baktygýlova Almagýl Saıqyn aýylynda shaǵyn ashana qyzmetin kórsetýde.
Bıyldan bastap, ataýly áleýmettik kómek alýshy qatarynan shyqty.
Almagúl hanymnyń ózimen tildesip, áńgime órbittik.
2021 jyly sáýir aıynda memleketten bıznes bastaýǵa grant utyp aldym. Negizi Mánshúk Mámetova atyndaǵy mektepte 5 jyl eden jýýshy bop jumys istedim. Qyzym dúnıege kelgen soń, dekrettik demalysta boldym.
Keıin osy grant týraly estip, usynystar tústi.
280 myńǵa terek otyrǵyzyp, qalǵan aqshasyna mal satyp aldym. 67 túp malına otyrǵyzdym, 6 túp alma men 4 túp órik otyrǵyzdym. Keıin 7 bas qoı aldym.
Qazir ózim jaldamaly bir oryndy alyp, shaǵyndaý shaıhana ashyp otyrmyn. Ol shaıhanany ózim nesıe alyp dóńgeletip otyrmyn. Qazirgi kezde asa bir qatty paıda bar dep aıta almaımyn.
Tek bir jyl ǵana bolǵan soń, ósirgen teregimizden jemis ala qoıǵan joqpyz.
Almagúl apamyz óz bolashaq josparymen bólisip, jastarǵa keńesimen bólisti.
Ómirlik maqsat, jospar degen kóp qoı. Ósirip, álpeshtep otyrǵan balalarym bar. Kelindi boldym, óz kúnimizdi ózimiz kórip otyrǵan qarapaıym jandarmyz.
Joldasym ekeýmiz eki jaqtan tyrmysyp, áreket etýdemiz. Aqsha esh ýaqytta jetpeıdi.
Sondyqtan, qazirgi jastarǵa aıtarym, erinbeı jumys isteý kerek. Bizdiń zamanymyzda Lenın aıtqandaı: Ýchıtsıa, ýchıtsıa ı tolko ýchıtsıa.
Tek eńbek etý kerek. Eńbek etseń erinbeı, toıady qarnyń tilenbeı degen bar. Qazir árkim ózin oılamasa, eshkimge muqtaj bolmaý kerek.
”Adyrna” ulttyq portaly
