Syr elinde qurylys jáne ınfraqurylymdy damytý jobalary qarqyndy júzege asýda

1120

Qazirgi tańda Qyzylorda oblysynda qurylys jáne ınjenerlik-kommýnıkaııalyq ınfraqurylymdy damytý jobalary júzege asyrylýda.

Atap aıtqanda, bıyl oblys ákiminiń tapsyrmasyna sáıkes Syr óńirinde energetıka jáne turǵyn úı kommýnaldyq sharýashylyǵy salasynda 17,3 mlrd.teńgeni quraıtyn 106 joba júzege asyrylýda.

Solardyń biri Qyzylorda qalasynda kópbalaly analarǵa paıdalanýǵa berilgen Báıterek turǵyn aýdanyndaǵy turǵyn sektordyń ınjenerlik-kommýnıkaııalyq ınfraqurylymyn damytýǵa 1 mlrd. 060 mln. teńge bólinse, Jańaqorǵan kentindegi 10/0,4 kv elektrjelilik júıeni jańǵyrtýǵa 898 mln. 787 myń teńge qaralǵan.

Sonymen qatar, Qyzylorda qalasy men Jalaǵash, Shıeli aýdandarynda turǵyn úıdi jańǵyrtý jumystaryn júrgizýge 622 mln. 160 myń teńge bólingen.

Aıta ketý kerek, Qyzylorda qalasynyń turǵyn úı qorynda 800-den astam kópqabatty turǵyn úı bolsa, sońǵy 10 jyldyń ishinde 185 kópqabatty úılerge jańǵyrtý jumystary júrgizilgen. Bıylǵy jyly da osy jumystardyń jalǵasy retinde oblys ortalyǵyndaǵy 11 úıge qaıta jańǵyrtý jumystary júrgiziledi.

Sonymen qatar bıyl memlekettik bıýdjet esebinen qurylys salasynda jalpy kólemi 60,6 mlrd. teńgeni quraıtyn 108 joba júzege asyrý josparlanýda.

Onyń ishinde oblystyq qurylys, sáýlet jáne qala qurylysy basqarmasy arqyly 27, Aral aýdanynda 5, Qazaly aýdanynda 13, Qarmaqshyda 13, Jalaǵash pen Syrdarııada 4, Shıeli 5, Jańaqorǵan 2, Qyzylorda qalasynda 35 joba júzege asyrylmaq.

Bul jobalardyń ishinde: oblystyq qan ortalyǵy, neke saraıy, mádenıet salasyndaǵy kópsalaly keshen jáne 2 oqý korpýstarynyń qurylysy bar.
Aımaq basshysy Nurlybek Nálibaevtyń tapsyrmasymen jobalardyń tıimdiligin ári sapasyn qadaǵalaıtyn arnaıy Keńes qurylyp, jumys jasaýda.

Bul keńestiń jumysy eń aldymen bıýdjet qarjysynyń tıimdi paıdalanýyn qadaǵalaý jáne turǵyndar úshin qajetti nysandardy salýdy kózdeıdi.

Pikirler
Redakııa tańdaýy