Bilim granty: 80 myńǵa jýyq talapker konkýrsqa qatysýǵa ótinish berdi

3190
Adyrna.kz Telegram

80 myńǵa jýyq talapker bilim granttaryn taǵaıyndaý konkýrsyna qatysý úshin ótinish berdi. Bul týraly Ǵylym jáne joǵary bilim mınıstriligi habarlady, dep jazady "Adyrna" ulttyq portaly.

Qujattardy qabyldaý 13-22 shilde aralyǵynda júrgizildi. Baıqaý nátıjeleri 15 tamyzǵa deıin jarııalanady.

Úmitkerler arasynda baldar teńdigi jaǵdaıynda basym quqyqqa ıe bolatyn 20 myńnan astam adam bar. Olardyń ishinde «Altyn belgi» ıegerleri, halyqaralyq jáne respýblıkalyq olımpıadalardyń jeńimpazdary, oqý úzdikteri bar.

«Bıyl grant konkýrsyna qujattardy qabyldaý joǵary oqý oryndarynyń qabyldaý komıssııalary arqyly dástúrli formatta jáne vırtýaldy komıssııalar arqyly onlaın qabyldandy. Birneshe jyl qatarynan talapkerler eń kóp suranysqa ıe oqytý baǵyttary boıynsha tańdaýdy ózgerissiz jasap jatyr. Ótinishterdiń kópshiligi «Pedagogıkalyq ǵylymdar», «Injenerlik, óńdeý jáne qurylys salalary», «Aqparattyq-kommýnıkaııalyq tehnologııalar» sııaqty baǵyttarǵa berildi. Qabyldaý naýqanynyń nátıjesine sáıkes, bolashaq muǵalimder, tis dárigerleri jáne ınjenerler arasynda bir granttyq orynǵa eń úlken konkýrs bolady», – dep atap ótti QR ǴJB Ulttyq testileý ortalyǵynyń dırektory Rýslan Emelbaev.

Vedomstvo málimetinshe, bıyl 154 myń talapker Ulttyq biryńǵaı testileýden ótti. UBT qorytyndysy boıynsha shekti baldy 103 myńnan astam adam jınady, bul – qatysýshylardyń jalpy sanynyń 67%.

Aıta keteıik, 2022-2023 oqý jylynda bakalavrıatqa 73 myńǵa jýyq grant bólinip otyr.

"Adyrna" ulttyq portaly

 

 

Pikirler