Italııada Denıs Tenge arnalǵan konert Úkili Ybyraıdyń ánimen bastaldy

Italııada Denıs Tenniń rýhyna arnalǵan konert ótti «Akademııa solısteri» memlekettik kameralyq orkestri Italııanyń Bergolo qalasynda ótken konertin qaza bolǵan Olımpıada júldegeri Denıs Tenge arnady.  Bul týraly QazAqparat habarlaıdy dep ktk.kz saıty jarııa etti. «Qazaqkonert» memlekettik uıymynyń «Solıster akademııasy» kameralyq orkestriniń konerti QR Mádenıet jáne sport mınıstrliginiń qoldaýymen «Velia» mýzykalyq festıvali aıasynda ótti. Kesh 1 mınýt únsizdikpen bastalyp, Qazaqstannyń xalyq ártisi, «Solıster akademııasynyń» kórkemdik jetekshisi Aıman Musaqojaeva Denıs Tennyń qazasyna baılanysty qazaqstandyqtar men onyń týǵan-týystaryna kóńil aıtty. «Juldyzdaı jarq etken Denıs Tenniń mezgilsiz dúnıeden ótýi barlyǵymyzǵa aýyr tıdi. Bul jaǵdaı barsha Qazaq eli úshin aýyr qaıǵy. Sondyqtan biz festıval aıasyndaǵy alǵashqy konertti Denıs Tenniń qurmetine arnadyq. Jas ári talantty, Qazaqstan men álemniń súıispenshiligine bólenip úlgergen Denıs elimizdegi sporttyń damýyna zor úles qosty. Onyń esimi, jetistikteri men eren eńbegi júregimizde máńgi saqtalmaq. Onyń jalyny sondaı alaýlap jandy da, sondaı erte sóndi. Jarqyn tulǵa Denıs Ten - elimizdiń jaryq juldyzy. Konertke kelgen ıtalııalyq óner súıer qaýymǵa biz Denıs týraly áńgimelep, konertti sonyń qurmetine arnadyq», - deıdi A.Musaqojaeva. Aıman Musaqojaeva sportshynyń rýhyna arnap Bramstyń, Sen-Sanseniń, Vaksmannyń, Sarasateniń belgili kompozıııalaryn oryndady. Sonymen qatar, konerttiń shymyldyǵyn Úkili Ybyraıdyń «Qyzyl asyq» ánimen ashqan dástúrli ánshi Asqar Muqııat pen otandyq opera ánshisi Azat Málik Abaıdyń «Kózimniń qarasy» ánin oryndap, eýropalyqtardyń joǵary baǵasyn aldy. Eki saǵatqa sozylǵan konert talǵampaz kórermenniń qoshemetine bólendi.