Batys Qazaqstan oblysy Shyńǵyrlaý aýdanynda Bekbýsınovtar otbasy kópke úlgi bolyp otyr. Sebebi, otbasynda múmkindigi shekteýli jandar bolsa da, ómirge degen qushtarlyqtarynyń arqasynda taǵdyrdyń synaǵyna moıymaı, alǵa umtylyp, kópshilikti tańǵaldyryp keledi. «Adyrna» ulttyq portalynyń tilshisi Bekbýsınovtar otbasymen tildesip, ómirge degen qushtarlyqtarynyń qupııasyn surady.
Bekbýsınovtar otbasy Batys Qazaqstan oblysy Shyńǵyrlaý aýdany Aysaı aýylynda turady. Otbasyda múmkindigi shekteýli eki bala bar, sonymen qosa otaǵasynyń ózi Oraz Bekbýsınov te osy sanatta, sóıleý-estý qabileti tómen. Alaıda oǵan qaramaı qolyna alǵan isin dóńgeletip, azyn-aýlaq malyn kóbeıtip, jaz boıy shóbin shaýyp, kásibin dóńgeletip otyrǵan jaıy bar.
«1996 jyly qarasha aıynda úılenip, toıdan keıin bólek shyqtyq. Alǵashynda biz úshin qıyn boldy. Kúıeýimniń memleketten beretin járdemaqasymen kún kórdik. Alǵashqy balamyz dúnıege kelgende qýanyshymyzda shek bolmady. Alaıda tuńǵyshymyz Tilegenge DP dıagnozy qoıyldy. Sodan keıin túrli aýrýhananyń tabaldyryǵyn tozdyrdyq», - deıdi otanasy Nurgúl.
Ulynyń tamyryn baılap, taǵdyryna qıyndyqtar ákelgen kesel – medıına tilinde erebraldy sal aýrýy (DP) dep túsindiriledi. Qazirgi medıına bul aýrýdy emdeýge qaýqarsyz. Alaıda 26 jastaǵy Tilegen ómirge qushtar. Anasynyń aıtýynsha, qazir ákesine qolǵabys etýde.
«Tuńǵysh balam jumys istegisi keledi. 9 bitirgennen keıin programmıst oqýyn oqyp aldy. Eki dıplomy bar. Alaıda múgedektigi bolǵan soń, eshqandaı mekeme jumysqa almaıdy. Maǵan «mama, men jumys istegim keledi. Men pensııa emes, jalaqy alǵym keledi. Men barlyq jumysty isteı alamyn» degende ne aıtarymdy bilmeı qaldym. Bıyl jumyssyzdyqpen jumysqa turdy. Jaqynda alǵashqy jalaqysyn alyp, máz bolyp júr», dep kúrsindi Nurgúl.
Foto: Úlken uly Tilegen men kishi uly Arman
«Joldasym alǵashynda barlyq jerge baryp, jumys izdep kórdi. Kúzetshi de boldy. Otbasy bolyp ketý úshin barynsha shydap, barlyǵynan únemdedik. Men saýdamen de aınalystym. Almatydan taýarlar alyp kelip, satyp ta kórdim. Qoldan atshana jasap, bir buzaýǵa almastyryp aldyq. Alǵashqy malymyz osy boldy. Jyl saıyn ózge otbasylar soǵym soısa, biz múlde soǵym soımaı, et te jemedik. Bir malymyz ekeý bolý úshin barymyzdy únemdeýge tyrysyp, óıstip úlken sharýa qojalyǵyna aınalyp otyrmyz. Shúkir!», - deıdi Nurgúl.
«Arman» sharýa qojalyǵynyń ashylǵanyna kóp bola qoımasa da, qojalyqtaǵy mal sany artyp, órkendep keledi. Búginde jıyrmaǵa jýyq jylqy, jetpiske jýyq iri qara jáne usaq maldar bar. Odan bólek, baý-baqsha egip otyr. Múmkindigimiz shekteýli dep, úkimetke alaqan jaımaı, tıisinshe ózgelerdi kásippen qamtysaq degen oılary da bar.
Foto: “Arman” sharýa qojalyǵy
«Úlken ulym Tilegennen keıin, qyzym Ásem dúnıege keldi. Qudaıǵa shúkir, onyń deni saý. Qazir medıınalyq kolledjde oqıdy. Al odan keıin 2008 jyly balam Arman dúnıege keldi. Ókinishke oraı, ol daýn sındromymen aýyrady. Jasy on tórtte bolsa da, eki jasar bala tárizdi. Alǵashynda dárigerler maǵan «ondaı balany baǵa almaısyz» dedi. Men joq dep júrip, alyp kettim. Balalarymdy tastaý oıyma da kelmeıdi. Armandy 7 jasqa kelgende mektepke de almady, múgedektik alyńyz dedi. Men qolymnan kelgenin isteýge tyrystym. Árdaıym balalarymnyń baqytyn tilep, eńbek etýge daıynmyn» , - deıdi ana.
Otbasynda úsh birdeı múmkindigi shekteýli jan bar bolsa da, Bekbýsınovtar otbasynyń otanasy Nurgúl barlyǵyn ózim jetkizemin dep otyr. Ol kúıeýimen sýrdo tili arqyly sóılesý úshin ony meńgerip te alǵan. Tabys tabý úshin keıde sýrdo aýdarmashy bolamyn deıdi.
«Múmkindigi shekteýli jandar bar bolsa da, olar qoǵamnyń múshesi. Eshqandaı synaqqa moıymaı, ómir súrýge talpyný krek. Qolyńnan keletin ispen aınalyssań, berekeli bolady», - deıdi Nurgúl ózi sııaqty múgedek bala ósirip otyrǵan analarǵa shabyt berip.
«Adyrna» ulttyq portaly
