Los-Andjeles okrýginiń sherıfi Robert Lýnanyń aıtýynsha, kem degende 13 adam habarsyz ketken. Olardyń joǵalyp ketkeni órtpen baılanysty ma, joq pa, ázirge belgisiz ekeni aıtyldy.
Kýágerlerdiń aıtýynsha qala ústinen otty tornadolar kóterilýde.
Sońǵy birneshe kúnde 180 000-nan astam adam óz úılerin tastap ketýge májbúr bolǵan. 11 qańtarda órt buryn tıispegen aýmaqtarǵa jetip, bılik evakýaııa aımaǵyn keńeıtti. Jeldiń basylýy men ylǵaldylyqtyń artýy órtti baqylaýǵa múmkindik bergenimen, AQSh Ulttyq meteorologııalyq qyzmeti aldaǵy aptada aýa raıy jaǵdaılary órttiń taralýyna qaıta yqpal etetinin eskertti.
Qalalyq bılik turǵyndarǵa órt saldarynan aýanyń lastanýyna baılanysty kóshege sırek shyǵýdy usyndy. Ashyq aýada jumys isteıtin barlyq adamdarǵa respırator kııý kerektigin Los-Andjeles okrýginiń densaýlyq saqtaý departamentiniń ókili Anısh Mahadjan aıtty.
Eske sala keteıik, AQSh-tyń tótenshe jaǵdaılar qyzmetkerleri alty kún boıy Los-Andjeleste shyqqan joıqyn órtterdi sóndirýge tyrysyp jatyr. Juma kúni ottyń jyldam taralýyna sebep bolǵan qatty jel báseńdep, órt sóndirýshilerge keıbir oshaqtardy baqylaýǵa aldy.
Juma kúni jergilikti bılik mıllıondaǵan dollarǵa baǵalanǵan záýlim úıler tonalýy múmkin degen qaýipke baılanysty komendanttyq saǵat jarııalady.
