Serik Ábdirahmanov: UQK Nazarbaevtyń jeke mekemesine aınalyp ketken

2701
Adyrna.kz Telegram

Qoǵam qaıratkeri, eks-depýtat Serik Ábdirahmanov «Suraýy bar» baǵdarlamasyna bergen suhbatynda UQK Nazarbaevtyń jekemenshik mekemesine aınalyp ketkenin aıtty dep habarlaıdy "Adyrna" derekkózge siltep. 

«Qańtardan beri, mine, jarty jyl ótti. Shyndyq pen kinálilerdiń aty atalǵan joq. Al qamaýǵa kimder alyndy? Negizgi aıypkerler emes, oryndaýshylar. Ulttyq qaýipsizdik komıteti degen Nazarbaevtyń jekemenshik kontorasyna aınalyp ketken dúnıe. Sol sebepten ózin tartý kerek edi. Tarta almaı otyr. Qaralyp jatyr ol aıyptylar. Seneıik! Qazir qoǵamnyń kóńili sybaılas jemqorlyqqa aýyp ketti. Anany da, mynany da ustap jatyr. Anaý bir mańqa general Erǵojınniń ózinen 3 mlrd dollar tabylypty. Qatardaǵy, saptaǵy 10-20-shy turǵan ury júıesiniń ókili» deıdi Ábdirahmanov.

Sonymen qatar, eks-depýtat Erǵojın týraly málimetti qaıdan alǵanyn túsindirdi.

«Tergeý oryndary aqyryn taratyp jatyr. Senimdi adamdarym bar. Eger shynaıy sybaılas jemqorlyqpen kúres bastalsa, bizdiń bıýdjet dollardyń astynda qalýy kerek. Profııt ústine profııt, aqshany qaıda jumsaımyz degen eń basty problema shyǵar edi. Ondaı joq. Qanisherlerdiń aty atalǵan joq. Demek, barlyǵy aqyryn «tormozben» ketip bara jatyr. Bul Toqaev úshin óte qaýipti jaǵdaı» deıdi Ábdirahmanov.

"Adyrna" ulttyq portaly

Pikirler