Qazaqstanda maska taǵý rejımi máselesi koronavırýs ınfekııasyna qarsy kúres jónindegi vedomstvoaralyq komıssııanyń otyrysynda talqylanbaq, dep habarlaıdy "Adyrna" ulttyq portaly "Azattyq Ruhy"-na silteme jasap.
Bul týraly búgin Májilis otyrysynda QR Premer-mınıstriniń orynbasary Eraly Toǵjanov málimdedi.
— Bul másele kún tártibinde tur. Biz ony vedomstvoaralyq komıssııanyń qaraýyna berip, sol jerde talqylaımyz. Tek maska taǵý ǵana emes, PTR-testin de alyp tastaǵan bolatynbyz. Qabyldanǵan sheshimdi mindetti túrde habarlaımyz, - dedi Eraly Toǵjanov.
Ol sondaı-aq, búgingi kúnniń basty máselesi ekpe jumystaryn kúsheıtý ekenin aıtty.
Aıta ketsek, búgingi tańda elimiz boıynsha kún saıyn shamamen 100-ge jýyq adamnan koronavırýs ınfekııasy anyqtalyp jatyr. COVID-19 vırýsyn juqtyrǵandardyń basym kóbi Nur-Sultan jáne Almaty qalalarynda tirkelip otyr.
"Adyrna" ulttyq portaly.