5 maýsym kúni ótken respýblıkalyq referendýmda Shymkenttegi saılaý ýchaskelerinde jumys istegen 2705 adam eńbekaqysyn ala almaı júr. Respýblıkanyń ózge óńirlerindegi áriptesteriniń jalaqysy túskenin alǵa tartqan komıssıa músheleri belgili zańger Aıgúl Orynbekten kómek suraǵan, dep habarlaıdy «Adyrna» ulttyq portaly "Azattyq Rýhy"-na silteme jasap.
«Shymkent qalasyndaǵy saılaý ýchaskeleriniń jumysyn úılestirip kele jatqanyma 15 jyldaı boldy. Aldyńǵy saılaýlarda ýchaske músheleriniń eńbekaqysy ýaqytyly tólenetin. Bıylǵy referendýmnyń aqshasyn Shymkent qalasy boıynsha birde bir adam almady. Bizge kórshiles Túrkistan oblysy alyp qoıǵan, Ordabasyda, Saıramda, Almaty qalasynda týystardan da surap kórdik, olarǵa da ýaqytyly tólengen. Bizdiń Shymkent qana elden erekshelenip júr», - deıdi komıssııa músheleriniń biri.
Atalǵan máselege qatysty redakııa tilshisi Shymkent qalalyq referendým komıssııasyna habarlasty. Tóraǵa Qaıyrbek Kunanbaevtyń málimetinshe, referendým músheleri osy aıdyń aıaǵyna deıin eńbekaqylaryn alady.
«Shymkent kalasynda 317 saılaý komıssııasynda 2705 múshe eńbek etti. Barlyq 2705 adamnyń jalaqysy biryńǵaı Shymkent kalalyk saılaý komıssııasy arkyly tólenedi. Qazirgi tanda búkil 317 komıssııanyń tabelderi jınaqtalyp, olarǵa jalaqy tóleý boıynsha jumystar atqarylýda. Alaıda kóptegen komıssııa músheleriniń jalaqy shottary emes, áleýmettik shottaryn, buǵattalǵan shottaryn berýi, sol sııaqty komıssııa músheleriniń 30%-ynyń aýysýyna baılanysty jalaqyny aýdarý ýaqyt alyp otyr. Referendýmda jumys atkarǵan múshelerge jalaqy respýblıkalyq bıýdjetten tólenedi jáne ol tolyǵymen jetkilikti. Komıssııa músheleriniń jalaqylary zańǵa sáıkes, 2022 jyldyń 30 maýsymyna deıin tólenetin bolady», - dedi Qaıyrbek Qunanbaev.
