Bul mereke 2014 jyldan beri atap ótiledi. 2003 jyldyń naýryzynda BUU Bas Assambleıasy 23 maýsymdy — Memlekettik qyzmet kúni dep jarııalaǵan qarar qabyldaǵan. Bul tájirıbe Qazaqstanǵa 10 jyldan keıin engizildi, dep habarlaıdy "Adyrna" ulttyq portaly.
Prezıdent Jarlyǵymen 2013 jyly 23 maýsym Qazaqstanda Memlekettik qyzmetshiler kúni bolyp bekitildi. Prezıdent janyndaǵy Memlekettik basqarý akademııasynyń rektory Erlan Ábildiń aıtýynsha, byltyr Qazaqstanda 68 myńnan astam memlekettik qyzmetshi biliktiligin arttyrǵan.
2021 jylǵy jaǵdaı boıynsha Qazaqstandaǵy memlekettik qyzmetshilerdiń shtat sany 96 910 bolǵan. Bul shamamen árbir 196 turǵynǵa 1 memlekettik qyzmetshiden keledi degen sóz.
"Adyrna" ulttyq portaly.
