Aqtöbede bei-bereketsız tögılgen qoqysty poligonǧa jetkızuge 95 mln teŋge bölındı, dep habarlaidy «Adyrna» tılşısı «Habar 24»-ke sılteme jasap.
Qala bilıgınıŋ aituynşa, şahar töŋıregın zerdelep, är jerde üiılgen tūrmystyq qaldyqty anyqtau üşın ǧaryştan baqylau jasalady. Osydan ekı jyl būryn 417 oryn anyqtalsa, byltyr 230 üiındı bolǧan. Qūrylys qaldyqtary men eskı jihaz siiaqty kölemı ülken qoqysty tūrǧyndardyŋ özderı poligonǧa jetkızuge mındettı. Bıraq köp jaǧdaida būl talap eskerılmei keledı.
«Kosmomonitoring arqyly qūzyrly ministrlık qoqystyŋ naqty kölemın anyqtaǧan soŋ biudjetten tiıstı qarajat böluge sätı tüstı. Biyl 95 million teŋge qarastyrylǧan. Būl qarajatty qalanyŋ damuyna jūmsauǧa bolar. Sondyqtan būl qoldan jasalǧan mäsele. Poliseiler zaŋ būzǧan adamdardy anyqtap, jauapqa tartady. Bızdıŋ qolymyzǧa da tüsedı. Bıraq ainalada üiılgen qoqysty ekı jyl boiy şyǧaryp kele jatqanymyzben mäsele şeşılmei keledı»,– dedı qala äkımı Ashat Şaharov.
