Memleket basshysy Qasym-Jomart Toqaev «Jańa álem – jańa múmkindikter» atty Peterbýrg halyqaralyq ekonomıkalyq forýmynyń 25 jyldyǵyna arnalǵan jıynnyń plenarlyq otyrysynda iritki salýshy reseılik depýtattardy synǵa aldy, dep habarlaıdy “Adyrna” ulttyq portaly.
«Múmkin bul yńǵaısyzdaý bolar, biraq men osy bir trıbýnany paıdalana otyryp, Qazaqstanǵa qatysty keı reseılik depýtattardyń negizsiz sózderine narazylyq tanytqym keledi. Olardyń ishinde jýrnalıst, mádenıet qaıratkerleri de bar.
Bizdiń aramyzda qandaı da bir úlken máseleler joq. Barlyq iritki salý áreketteri bizdiń halyqtarymyz ben Reseıdiń ózine zııandy. Osy bir málimdemeler (Qazaqstanǵa qatysty negizsiz sózder) maǵan múlde túsiniksiz. Qazaqstan basshysynyń sheshimderin nemese elimizdegi jaǵdaıǵa negizsiz pikir bildirý arqyly, olar neni kózdep júr?!», – dedi prezıdent Toqaev.
”Adyrna” ulttyq portaly
