Qazaqstan Respýblıkasynyń Premer-Mınıstri Álıhan Smaıylov Almatyǵa jumys sapary kezinde WorldSkills Almaty-2022 óńirlik chempıonatynyń jeńimpazdarymen kezdesti. Bul týraly ol Facebook paraqshasyna jarııalady, dep habarlaıdy “Adyrna” ulttyq portaly.
“Osyndaı talantty jastarǵa qarap, elimizdiń bolashaǵy zor ári senimdi qolda ekenin kórýge bolady.
Keshe Almatyǵa jumys sapary kezinde WorldSkills Almaty-2022 óńirlik chempıonatynyń jeńimpazdarymen kezdestim.
WorldSkills – jumysshy mamandyqtardyń bedelin arttyrý men olardy dáripteý maqsatynda ótkiziletin álemdik chempıonat. Ol 80-nen astam eldi qamtıdy.
Bul stýdentter qazirdiń ózinde qazaqstandyq iri kompanııalardan jumysqa shaqyrý alǵan, erteńine senimmen qaraıdy.
Joǵary standarttarǵa saı kásibı sheberlikke ıe talantty stýdentter ózinen keıingi býynǵa jaqsy úlgi kórsetip, týǵan eliniń damýyna úles qosady dep senemin”, - dep jazdy.
“Adyrna” ulttyq portaly
