Kaspii teŋızınde 200-den asa itbalyqtyŋ öleksesı tabyldy. Olardyŋ denesı ydyrap ketkendıkten naqty neden qyrylǧanyn anyqtau mümkın emes. Būl turaly balyq şaruaşylyǧy komitetı töraǧasynyŋ orynbasary Aian Bahiianov mälımdedı, dep habarlaidy “Adyrna” ūlttyq portaly.
«Ǧylymi ūiymdar zertteu jürgızgenımen, naqty sebebın bıle almai otyr. Tek janama boljamdar bar. Mamandar itbalyqtar säuır-mamyr ailarynda emes, qaŋtar-aqpanda ölgen degen qorytyndy şyǧardy. Taǧy bır boljam, ol – qys mezgılınıŋ öte jyly boluy. Iаǧni, atalǧan su januarlary mūzdyŋ üstıne küşıkteidı. Biyl aua raiy jyly bolyp, mūz erıp ketkendıkten küşıkter suǧa tüsken. Al jaŋa tuǧan itbalyqtardyŋ terısınde sudan qorǧaityn qabyrşyq bolmaidy. Bügınde 220 ölekse tabyldy. Sonyŋ 50 paiyzy – jaŋa tuǧan itbalyqtar», – dedı Balyq şaruaşylyǧy komitetı töraǧasynyŋ orynbasary.Aian Bahiianovtyŋ mälımetınşe, tabylǧan ölekselerdıŋ dene müşesınde qoldan jasalǧan jaraqattar bar.
«Tabylǧan bırneşe itbalyqtyŋ basy jäne özge de müşelerı qasaqana kesıp alynǧan. Bızdıŋ boljam boiynşa januarlar brakonerlerdıŋ qolyna tüsken. Al olar öz qylmysyn jasyru üşın itbalyqtardyŋ basyn kesıp tastaǧan», – dedı Aian Bahiianov.Aita ketsek, biyl 5 aidyŋ ışınde Kaspii jaǧalauynan 219 itbalyqtyŋ öleksesı tabylǧan edı.
”Adyrna” ūlttyq portaly
