Elimizde memlekettik qyzmetshilerdiń ortasha jasy — 39,7. Bul úsh jyl burynǵy derekke qaraǵanda joǵarylaý (2019 jyly 39 jas), dep habarlaıdy "Adyrna" ulttyq portaly.
"tengrinews.kz"-tiń jazýynsha, mınıstrlerdiń, olardyń birinshi orynbasarlary men basqa da orynbasarlarynyń ortasha jasy bıyl 45,7 boldy. Sońǵy úsh jylda mınıstrler bir jylǵa derlik "jasardy" - 2019 jyly 46,6 jas bolǵan.
Oblystar, respýblıkalyq mańyzy bar qalalar, astana ákimderiniń jáne olardyń orynbasarlarynyń ortasha jasy bıyl - 48.
Mınıstrlerdiń arasynda eń jasy - ulttyq ekonomıka mınıstri Álibek Qýantyrov. Ol 38 jasta. Óńir ákimderiniń ishinde eń jasy Shymkent qalasynyń 40 jastaǵy ákimi Murat Áıtenov.
Mınıstrler kabınetinde eń úlkeni - ındýstrııa jáne ınfraqurylymdyq damý mınıstri Qaıyrbek Óskenbaev pen IIM basshysy Marat Ahmetjanov. Olar 57 jasta. Óńir basshylary arasynda joǵary býyn sheneýnikteriniń eń úlkeni - ShQO ákimi Danıal Ahmetov, ol 67 jasta.
"Adyrna" ulttyq portaly
