Sońǵy kezderdegi munaı qorynyń sarqyla bastaýy aımaqtaǵy bul salada jumys jasaıtyn 10 myńǵa jýyq azamattyń áleýmettik máselesine tikeleı áser etedi. Sol sebepti de munaı-gaz sektoryndaǵy kompanııalarda qyzmet etetin jumysshylardyń jalaqysyn qysqartpaý, eńbekkerlerge áleýmettik qoldaý kórsetý óte ózekti. Ásirese, qyzmetkerlerdiń eńbek shartynyń saqtalýy, olarǵa áleýmettik tólemderdi ýaqytyly tóleý máseleleri qoǵamda jıi kóterilip keledi. Sonymen birge servıstik qyzmet kórsetetin kásiporyndar arasynda tarıfti ulǵaıtý máselesi de basy ashyq suraqtardyń biri.
Bul ózekti máselelerdi ońtaıly baǵytta sheshý úshin búgin oblys ákimi Nurlybek Nálibaev «Aqshabulaq» ken ornyna baryp, jumys proesimen tanysyp, «Qazgermunaı» kásipornyndaǵy eńbek ujymymen kezdesti.
Kásiporyndaǵy 200-ge jýyq mamandarmen pikirlesken aımaq basshysy kez kelgen kompanııa basshysy jumysshylar máselesine kelgende shıeleniske jol bermeı, jumys oryndaryn qysqartpaı, turaqty túrde saqtap qalý úshin ońtaıly sheshim qabyldaýy qajet ekenin alǵa tartty.
- Búgin biz oblys ákimdigi, jumys berýshi jáne kásipodaq arasyndaǵy ózara túsinistik pen yntymaqtastyq týraly Memorandým jasasýǵa jınalyp otyrmyz.
Basty maqsat – eńbek ujymyndaǵy áleýmettik jaǵdaı men óndiristik proesterdiń turaqtylyǵyn, jumys oryndaryn saqtaý jáne personaldy jumyspen qamtýdy iske asyratyn sharalardy qabyldaý. Osy rette, oblystaǵy árbir jumys berýshi qyzmetkerlerine qolaıly eńbek jaǵdaılaryn jasap, jalaqylaryn kezeń-kezeńimen kóbeıtýde naqty sharalar qabyldaýy tıis. Biz túrli ujymdar arasyndaǵy kez kelgen áleýmettik máselelerdi ornyqty túrde sheshýimiz qajet. Bul rette kásiporyn men ákimdiktiń múddesi ortaq bolýy kerek,- dedi Nurlybek Nálibaev.
Jıynda kompanııanyń bas dırektory Lıý Shaoıý jáne bas dırektorynyń birinshi orynbasary Nurjan Ábdirahmanov sóz alyp, kásiporyn tarapynan atqarylǵan negizgi jumystardy tizbektedi.
Basqosý barysynda aımaq basshysy qyzmet kórsetetin kásiporyndardyń tarıfin ulǵaıtý máselesin kóterip, áriptesterinen múmkindigine qaraı, máseleni tıimdi sheshý jolyn qarastyrýdy usyndy.
Kezdesý aıasynda oblys ákimdigi men kompanııa birlesken memorandýmǵa qol qoıdy. Nátıjesinde, budan bylaı kompanııa kezeń-kezeńimen jumysshylardyń eńbekaqysyn kóbeıtip, tarıfti kóterýge basymdyq beredi. Sondaı-aq, bıznestiń áleýmettik jaýapkershiligi baǵytynyń jalǵasy retinde «QazGerMunaı» kásiporny «Oqýshylar saraıyn» salyp berýdi óz mindetine aldy.
Aıta keteıik, oblys ákimi men kompanııa basshylary arasyndaǵy kelissózder arqasynda aımaqtaǵy 38 kásiporynda 8 myńnan asa jumyskerdiń jalaqysy 50 paıyzǵa deıin kóbeıdi.
