Biyl oblys äkımınıŋ tapsyrmasyna säikes, jergılıktı tūrǧyndardy özın-özı äleumettık maŋyzy bar bau-baqşa önımderımen qamtu maqsatynda 3,0 myŋ gektar jer daiyndaluda. Tiısınşe, 13 myŋǧa juyq otbasyna arnaiy jer bölınıp berıledı. Būl turaly Öŋırlık kommunikasiialar qyzmetınde ötken brifingte oblystyq auyl şaruaşylyǧy jäne jer qatynastary basqarmasynyŋ basşysy Düisebaev Talǧat mälımdedı.
- Jyl saiyn memleket tarapynan agrarlyq salany damytuǧa erekşe qoldau körsetılude. Biyl da auyl şaruaşylyǧy salasyna 18,3 mlrd. teŋgege juyq qarjy bölındı. Būdan bölek, aimaq basşysynyŋ tapsyrmasy boiynşa byltyrdan bastap jergılıktı tūrǧyndardy özın-özı äleumettık maŋyzy bar kartop, kökönıs, baqşa önımderımen qamtamasyz etu jūmystary bastalǧan bolatyn. Osy jyly da būl baǧyttaǧy jūmystar jalǧasady. Qazırgı taŋda qosymşa 3,0 myŋ gektar jer daiyndau jūmystary jürgızılude. Bügınde köktemgı egın egu jūmystaryna qajettı auyl şaruaşylyǧy daqyldarynyŋ tūqymymen, mineraldy tyŋaitqyştarmen, tehnikalarmen jäne arzandatylǧan dizel otynymen qamtamasyz etu jūmystary kestege säikes atqaryluda, - dedı basqarma basşysy Talǧat Düisebaev.Brifing barysynda şarua ielerıne berıletın jeŋıldetılgen nesie men agrarlyq baǧdarlamalardyŋ tiımdılıgı turaly aityldy.
-Köktemgı egın jäne önım jinau jūmystaryna arnalǧan «Keŋ dala» baǧdarlamasy jyldyq paiyzy 5 prosent. Säikesınşe şarua ielerıne 10 mlrd.teŋgege deiın kepıldendırılgen talapqa säikes nesie berıledı. Al «Agrobiznes» baǧdarlamasy auyl şaruaşylyq qūraldaryn satyp aluǧa jäne ainalym qarajatyn toltyruǧa arnalǧan. Baǧdarlamanyŋ jyldyq paiyzy 18-22 paiyz, iaǧni 1 mln teŋgeden 10 mlrd.teŋgege deiın kepıl arqyly nesie berıledı. Üşınşı «Isker» baǧdarlamasy mal şaruaşylyǧyn damytuǧa jäne , auyl şaruaşylyǧy önımderın saqtauǧa arnalǧan, - dedı «Agrarlyq nesie korporasiia» AQ Qyzylorda oblysy boiynşa filialynyŋ direktory Mahanbet Tūrmahanov.
"Adyrna" ūlttyq portaly
