Qyzylorda oblysynyń eks-ákimi Gúlshara Ábdiqalyqova jańa qyzmetke taǵaıyndaldy. Ol 6 maýsymnan bastap «QazMunaıGaz» ulttyq kompanııasy AQ adam resýrstaryn basqarý jónindegi bıznes-seriktesi qyzmetine kiristi. Bul týraly ulttyq kompanııanyń baspasóz qyzmeti Halyq Uni redakııasynyń resmı saýalyna bergen jaýabynda aıtty, dep habarlaıdy «Adyrna» tilshisi.
Gúlshara Ábdiqalyqovanyń negizgi mindetterine:
Áleýmettik jobalardyń júzege asyrylýyna jetekshilik etý;
Áleýmettik eńbek qatynastaryn tıimdi retteý;
Adam resýrstaryn basqarý departamentiniń ishki jine syrtqy kommýnıkaııalaryn qalyptastyrý men nyǵaıtýǵa yqpal etý;
Kadr aýdıtiniń nátıjelerin taldaý jáne qyzmetkerlerdi tıimdi basqarý máseleleri kiredi.
«QazMunaıGaz» ulttyq kompanııasy jańa qyzmetkeriniń qansha jalaqy alatynyna jaýap berýden bas tartty, qyzmetkerlerge eńbekaqy tóleý máselesine qatysty aqparat qupııa jáne kópshilikke jarııa etilmeıtinin aıtty.
Gúlshara Ábdiqalyqova 1965 jyly Qyzylorda oblysynda týǵan. 1987 jyly Jambyl jeńil jáne tamaq ónerkásibi tehnologııalyq ınstıtýtyn bitirgen, ekonomıst-sarapshy.
Instıtýtty aıaqtaǵannan keıin 1987-94 jyldary Qyzylorda oblysy áleýmettik qorǵaý bóliminiń aǵa ınspektory, bólim bastyǵy bolyp jumys istedi.
1994-95 jyldary – Qazaqstan Respýblıkasy Joǵary keńesiniń keńesshisi.
1995-2003 jyldary Qazaqstan eńbek jáne halyqty áleýmettik qorǵaý mınıstrliginiń bólim bastyǵy, basqarma bastyǵynyń orynbasary, basqarma bastyǵy, departament dırektorynyń orynbasary, departament dırektory boldy.
2003-2005 jyldary – Eńbek jáne halyqty áleýmettik qorǵaý vıe-mınıstri.
2005 jyldan – «Memlekettik annýıtettik kompanııa» Ómirdi saqtandyrý jónindegi kompanııasy» AQ basqarma tóraǵasy.
2009 jyldyń 4 naýryzynan – Eńbek jáne halyqty áleýmettik qorǵaý mınıstri.
2013 jyldyń 28 qarashasynan – Qazaqstan premer-mınıstriniń orynbasary.
2014 jyldyń 11 qarashasynan - QR memlekettik hatshysy.
2019 jyldyń aqpanynan – Qazaqstan premer-mınıstriniń orynbasary.
2019 jyldyń tamyzynan 2020 jyldyń naýryzyna deıin Májilis depýtaty boldy.
2020 jyldyń naýryzynan 2022 jyldyń sáýirine deıin Qyzylorda oblysynyń ákimi boldy.
Eske salaıyq, osydan shamamen eki jyl buryn Qyzylorda oblysynyń ákimi Gúlshara Ábdihalyqova Jańaqorǵan aýdanyna jumys saparymen barǵan. Sol kezde polıeıler ákim keledi dep joldy jaýyp, basqa kólikterdi júrgizbeı qoıǵan. Bul jaǵdaıǵa ashýlanǵan qyzylordalyq turǵyn aýdan aralap júrgen óńir basshysyna baryp «Joldy jabatyn hannyń qyzysyz ba?» dep shúılikken. Bul jaǵdaı áleýmettik jelilerde qyzý talqylanǵan bolatyn.
