Reseı áskeriniń Ýkraınaǵa basyp kirgenine 4 aıǵa jýyqtady. Álemniń "ekinshi áskeri" aıtarlyqtaı áskerı jetistikke jetpese de, soǵys zańdylyqtaryn buzý men beıbit turǵyndarǵa qarsy qylmys jasaý jaǵynan aýyz toltyryp aıtarlyq "jetistikke" jetip úlgerdi.
Ýkraına ishki ister mınıstrliginiń aqparatyna sensek, Reseı áskeri Ýkraına jerinde jıyrma myńnan astam adamzatqa qarsy qylmys túrlerin jasaǵan.Jaqynda Ýkraınada "Baskeserler kitaby" paıda bolady. Bul týraly el prezıdenti Vladımır Zelenskıı 8 maýsymda málimdedi. Onda Reseı áskeriniń qylmystary men ony jasaǵan áskerı qylmyskerlerdiń aty-jóni, jasaǵan qylmys túri jazylady.
"Qylmys jasaýǵa buıryq bergenderdiń attaryn jazamyz. Naqty faktiler, sýretter, fotolar. Ýkraınada qandaı qylmys jasady, sonyń barlyǵy jazylatyn bolady. Býchada, Marıýpol qalasynda. Ózge qalalar men aımaqtarda jasaǵan qylmystyń barlyǵy da taıǵa tańba basqandaı naqty kórsetiledi. Eshkimdi keshirmeımiz, barlyǵy da jaýap beretin bolady" , – deıdi Zelenskıı.
Ýkraına qazirdiń ózinde qylmys jasaǵandarǵa qatysty sot proesin bastap ketti. Eldiń bas prokýrory Irına Venedıktovanyń aıtýy boıynsha, qazir naqty 104 adamǵa qatysty is ashylyp, onyń ishinde segiz is sotta qaralyp jatyr deıdi. Ýkraına soty úsh reseılik sarbazǵa sot úkimin shyǵaryp úlgerdi. Onyń ishinde 23 mamyr kúni serjant Vadım Shıshımarındi ómir boıy bas bostandyǵynan aıyrý jazasy kesildi.
Ýkraına sotyna qarsy proess retinde separatıster de úkim shyǵarýda. Mysaly separatıster qolyndaǵy Donek qalasynda Ýkraına úshin soǵysýǵa kelgen Ulybrıtanııa azamattaryna úkim shyqty. Separatıster úsh brıtan azamatyn ólim jazasyna kesti. Bul sheshimdi árıne Ulybrıtanııa úkimeti men halyqaralyq uıymdar aıyptap, olardy bosatý jolyn qarastyratynyn aıtty.
Reseılik oppozıııa ókilderi Ýkraınanyń "Baskeserler kitabyn" jasaýyn qoldaıdy jáne ony Pýtın rejıminiń negizgi beınesi retinde álemge kórsetý kerek degen oıda. Olar "Pýtın túbi bılikten ketedi, al áskerı qylmyskerler jazasyn túbi alady" deıdi.
Ýkraına halyqaralyq uıymdarmen birlese otyryp áskerı qylmyskerlerge trıbýnal uıymdastyrý jaǵyn oılastyrýda. Bul boıynsha Býcha jáne ózge qalalarǵa halyqaralyq uıymdar men Eýropa elderiniń ókilderi kelip, qylmys túrlerine kóz jetkizip, qujatqa túsirgen bolatyn. Beıresmı málimet boıynsha "Býcha trıbýnaly" degen ataýmen qazir dálelder men kýágerlerden jaýap alý júrip jatyr. Bir ǵana Býchanyń ózinde 16-60 jas aralyǵyndaǵy er azamattardyń barlyǵyn óltirý faktisi tirkelgeni aıtylýda. Bul tek qana áskerı qylmys emes, genoıd dep tanylyp, Gaaga arqyly ómir boıy bas bostandyǵynan aıyrý sheshimine ákeletin qylmys túrine jatady.
Búginde basqynshylar qolyndaǵy Marıýpol qalasynda 20 myńnan astam beıbit turǵynnyń opat bolǵany jaıly aqparattar bar. Ony ǵaryshtan túsirgen spýtnıktik sýretter, myńdaǵan jańadan qazylǵan qorym men qaladan evakýaııalanǵan beıbit turǵyndar rastap otyr. Qala turǵyndarynyń 10 paıyzy Reseı áskeriniń basqynshylyǵynan qaza tapqany dáleldense, Pýtınniń qalany qandaı jolmen bolsa da alý týraly buıryq bergeni naqtylanady deıdi sarapshylar. Marıýpol qalasynda hımııalyq qarý túrin qoldaný faktisi de bolýy múmkin, alaıda qalaǵa táýelsiz sarapshylar kire almaıtyndyqtan, dálel tabý qıyn.
Ýkraına Reseı áskeri jappaı zorlyq kórsetý men tonaý boıynsha ortaǵasyrlyq ádisterdi qoldanǵanyn aıtyp otyr. Al búgingi tańda basqynshylar qolyndaǵy porttar men qambalardan astyqty Reseı jerine tasýy, álemdik astyq tapshylyǵyna ákelip, adamzatqa jasalǵan qylmys bolmaq deıdi.
"Adyrna" ulttyq portaly
