Jumys suraýdyń sońy jaraqat alýǵa apardy

2006
Adyrna.kz Telegram
Foto: 7kun.kz
Foto: 7kun.kz

Búgin "Ózenmunaıgaz" AQ ǵımaratynyń aldyna bir top adam jınalyp, jalpy kezekten aınalyp ótip, kompanııaǵa jumysqa ornalasýdy talap etti, dep habarlaıdy "Adyrna" ulttyq portaly Jańaózen qalasy ákimdiginiń baspasóz qyzmetine silteme jasap.

Talaptary oryndalmaıtynyn bilgennen keıin S.K. jáne S.T. (buryn sottalǵan) esimdi eki azamat aldyńǵy qursaq qabyrǵasy men ıyq janynan ustara pyshaǵymen (lezvııa) dene jaraqatyn keltirdi (tereń emes). Ekeýi de qalalyq aýrýhanaǵa jetkizildi.

Olardy dárigerler qabyldaý bólmesinde tekserdi. Ómirlerine qaýip joq. Aýrýhanaǵa túskenderdiń biri emdelýden bas tartyp, aýrýhanadan shyǵyp ketti.

Joǵaryda atalǵan azamattar buryn arnaıy oqýdan ótip, 1 maýsymda jalaqysy 250 myń teńge bolatyn jeke kompanııaǵa jumysqa ornalasqan bolatyn.

Olarǵa munaı-gaz salasyna jumysqa ornalasý qabyldanǵan algorıtmge sáıkes, jalpy kezek tártibimen júrip jatqany jóninde birneshe ret túsindirilgen bolatyn. Algorıtmdi buzyp, kezekten tys jumysqa ornalasý basqa jumysqa ornalasýǵa úmitkerlerge ádiletsiz bolady.

 

"Adyrna" ulttyq portaly

 

Pikirler