Qyrǧyz Respublikasynda qaitys bolǧan qazaq sarbazynyŋ qanynan spirt pen esırtkı tabyldy. Alaida marqūm bolǧan sarbazdyŋ ata-anasy alǧaşqy saraptamanyŋ qorytyndysymen mülde kelıspeidı, dep habarlaidy “Adyrna” ūlttyq portaly.
19 jastaǧy Ūlyqbek Berdışov Jambyldaǧy şekara beketınde Otan aldyndaǧy boryşyn ötep jürıp, 40 kündei ızım-qaiym joǧalyp ketken edı. Keiın sarbazdy Qyrǧyz Respublikasy şekarasynda jartasqa asylyp tūrǧan jerınen tapqan.
Sarbazdyŋ öz-özıne qol jūmsauy mümkın emes degen ata-ana, ūlymyz adam qolynan qaza boldy dep küdıktenedı. Mäiıtke Taraz qalasynda jasalǧan saraptama nätijesı jaqynda şyqty. Onda marqūmnyŋ būlşyq etınde 0,12 paiyz etil spirtı, ışkı qūrylysynda 3-monoasetilmorfin dep atalatyn esırtkı tabylǧan. Sondai-aq saraptama ortalyǧyndaǧylar Ūlyqbektıŋ köz jūmar aldynda esırtkıge elıtuı mümkın degen qorytyndyǧa kelgen.
Bıraq marqūmnyŋ ata-anasy ūldarynyŋ esırtkı qoldanbaq tügılı, şylym tartpaitynyn aitqan. Sondyqtan Ūlyqbektıŋ jūmbaq ölımınen qara jamylǧan otbasy saraptama nätijesı jalǧan dep esepteidı.
«Būlai qorytyndy bergenderı tergeudı odan ärı şielenıstıru dep oilaimyn. Öitkenı barlyq kınänı köz jūmǧan balamnyŋ özınen köre salǧylary keledı. Ol äskerde jürıp, qalai esırtkı qoldanuy mümkın? Ötırık bärı»,- dedı marqūmnyŋ äkesı Aidarbek Berdışov.Qorytyndyǧa kümän keltırgen marqūmnyŋ otbasyndaǧylar endı körşı elde taǧaiyndalǧan saraptamanyŋ şeşımın kütemız dep otyr. Onymen qosa, olar tergeudıŋ ädıl jürgızıluın talap ettı.
”Adyrna” ūlttyq portaly
Ūqsas jaŋalyqtar
