Nūrsūltan qalasy janyndaǧy №68665 äskeri bölımşesınde Arman A. esımdı kapitan şenınde vzvod komandirı 2022 jyly 26 aqpanda ol ǧimarat ışınde qaruynan atyp, oǧymen ärıptesın jaralaǧan. Oqiǧa syrtqa jaiylmai, bölım ışınde rettelıp, "jabuly qazan" küiınde qalǧan körınedı. Sodan berı qylmystyq ıs, tergeu jürgen. Bıraq ıs sotqa deiın jetpedı, dep habarlaidy “Adyrna” ūlttyq portaly inbusiness.kz saityna sıltep.
Tergeu kezınde äskeri qyzmetşı qyzmetınen uaqytşa alastatylǧan. Tıptı, armiia qatarynan müldem quyluy yqtimal.
Alaida oqiǧaǧa qatysty ofiserdıŋ anasy, Nūr-Sūltan tūrǧyny, zeinetker Gülaiym apai aityp berdı. Ol Qorǧanys ministrlıgıne hat jazyp, balasyn Qaruly küşter sapynan qumaudy, jūmysyn jalǧastyruǧa, aiybyn adal qyzmetpen öteuge mümkındık berudı sūrady.
Onyŋ äŋgımeleuınşe, balasy qarulasyn ädeiı atpaǧan.
"Sol künı balam kezekşılıktı qabyldap jatqan kezınde qaruy baiqausyzda atylyp ketıptı. Oq kontraktımen äskeri qyzmette jürgen adamǧa tigen. Qūdaiǧa şükır, ol adam tırı qaldy, qazır jaǧdaiy jaman emes, em alyp jür. Keşırım beruıne bailanysty qylmystyq ıs toqtatyldy. Menıŋ balam äskeri qyzmettı 14 jyl atqardy. Osyǧan deiın eşqandai sögıs, eskertu alǧan emes. Biylǧy qaŋtar oqiǧalary kezınde 12 kün boiy üi körmei, Qaraǧandy blokpostynda komandirlık qyzmetın kırşıksız atqardy, elordany qorǧauǧa qol astyndaǧy adamdardy jūmyldyra bıldı", – deidı anasy.Sondai-aq ol ūlynyŋ jetıstıgı retınde byltyrǧy jyly Qaraǧandy, Otar, Aqtau qalalarynda jarty jyl boiy äskeri tehnikalardy synaqtan ötkızuge qatysqanyn alǧa tartady.
"Ol öz qyzmetın tek jaqsy meŋgerıp qana qoimai, ony jaqsy köredı. Qazırgı kürdelı kezeŋde elımızge daiyn ofiserler auadai qajet emes pe? Menıŋ balam älı de öz täjıribesımen, eŋbegımen elıne adal qyzmet ete alady. Otandy qorǧauǧa, qorǧanysty arttyruǧa üles qosa alady", – deidı Gülaiym.Kapitannyŋ otbasynda kämıletke tolmaǧan 3 balasy bar körınedı. Gülaiym ekı nemeresınıŋ bala künınen mügedek ekenın jetkızdı. Al äskeri qyzmet qarjylyq qoldau syrtynda, äleumettık jeŋıldıkter beretını belgılı. Endı onyŋ bärınen aiyrylyp qalmaq. Onyŋ üstıne Arman 2018 jyly Qorǧanys ministrlıgınıŋ baǧdarlamasy aiasynda "Otbasy bankınen" ipotekaǧa päter alypty. Anasy "sol baspananyŋ ai saiynǧy nesiesın töleudıŋ özı ülken problema bolaiyn dep tūr" deidı.
"Nemerelerımnıŋ mügedektıgı üşın alatyn järdemaqylary nesienı öteuge ketıp qala ma dep qorqamyn. Onda nemerelerım em-domsyz qalmai ma? Söitıp, onyŋ otbasy küizelıske tüsıp ketuı mümkın. Sonda ne bolady, bılmeimın. Balam tek osy qyzmetın bıledı. Sondyqtan Qorǧanys ministrlıgınen balamdy äskeri qyzmetten bosatpaudy sūraimyn. Eger elordadaǧy äskeri qyzmette qaldyra almaimyz dep Qazaqstannyŋ basqa tükpırıne jer audaryp jıberse de, şydauǧa daiyn. Tek qyzmetınen bosatpasa boldy", – dep jalynady öz hatynda Gülaiym apai.Qorǧanys ministrlıgı äzırge būl ötınıştı qarastyruda.
"Qazırgı uaqytta ol kısınıŋ mäselesı qaralyp jatyr. Qorytyndysy boiynşa Qazaqstan zaŋnamasymen bekıtılgen tärtıppen naqty jauap berıletın bolady", – dep qysqa qaiyrdy vedomstvo.Jalpy, Qazaqstan Qaruly küşterınde tötenşe oqiǧalar jiılep ketkenı jasyryn emes. Sondyqtan keşe Prezident Qasym-Jomart Toqaev Qazaqstan armiiasyndaǧy äskeri qyzmetşıler arasynda ölım-jıtımnıŋ jiıleuıne erekşe nazar audarǧany mälım boldy. Aqorda osyǧan bailanysty komissiia qūrylatynyn jariia ettı. Äskeri şendıler oqiǧalardy qoǧamnan jasyruǧa tyrysady, endeşe tekserudı solardyŋ enşısınde qaldyrsa, ädıldık bolmauy mümkın. Sol sebeptı Memleket basşysy älgı komissiianyŋ basşylyq tızgının Qorǧanys ministrıne ne äskeri polisiiaǧa emes, özınıŋ kömekşısı – Qauıpsızdık keŋesınıŋ hatşysy Ǧizat Nūrdäuletovke senıp tapsyrdy. Alda arnaiy komissiia sonyŋ jetekşılıgımen armiiamyzdaǧy keleŋsızdıkterdıŋ sebebın tergep-tekseruge, äskeri qyzmetşıler arasyndaǧy zaŋsyzdyqtardy joiu jäne keleşekte äskerdegı mūndai terıs ıs-äreketterdıŋ qaitalanbauy üşın oǧan tosqauyl qoiu şaralaryn äzırleuge jauapty bolady.
”Adyrna” ūlttyq portaly
Ūqsas jaŋalyqtar
