Búgingi referendýmda alǵashqylardyń biri bolyp Jarkent qalasynyń turǵyny, 100 jastaǵy Zeınelhan Ospanova apamyz referendýmǵa kelip, óz tańdaýyn jasady.
12 qursaq kótergen altyn alqa ıegeri sanaly ǵumyryndaǵy barlyq saıası naýqandarǵa belsendi túrde qatysyp keledi eken. Ásirese, sońǵy 30 jyldaǵy barlyq saılaý men referendým esinde qalǵanyn aıtty.
“Ǵasyr ǵumyr ıesi árkez jastarǵa úlgi bolyp, memlekettiń irgesin nyǵaıtý baǵytyndaǵy ózgeristerge qatysýǵa tyrysady”, -deıdi referendým ýchaskesiniń músheleri.
Dástúr boıynsha alǵashqy daýys bergen adamǵa estelik syılyq tabystaldy. Jalpy búgin aýdan boıynsha 74 ýchaske óz esigin aıqara ashty. Óńirde daýys berý quqyǵyna ıe elektorat sany 85 myńǵa jýyq.
Zeınelhan apa:«Urpaqtarym aman bolsyn! Artymyzdaǵy jastar aman bolsyn! Jarkentimiz kórkeıe bersin! Jastarymyz aman bolyp, óse bersin! Qazaǵymyzdyń sanyn kóbeıte bersin!»,-degen izgi tilegin bildirdi.
