Semeıde orman órtenip, ony aýyzdyqtaýǵa 400-ge jýyq adam jumyldyryldy, dep habarlaıdy "Adyrna" ulttyq portaly "QazAqparat"-qa silteme jasap.
ShQO Tótenshe jaǵdaılar departamenti baspasóz qyzmetiniń málimetine súıensek, 1 maýsymda saǵat 14.27-de «Semeı ormany» rezervatynyń Jańa-Semeı fılıaly Podgorodnee ormanshylyǵynda órt shyqqan. Tilsiz jaý sharpyǵan aýmaq shamamen 160 gektardy qurady.
«Jalynnyń beti áli qaıtpaı jatyr. Órtti sóndirýge departamenttiń, jergilikti atqarýshy organdardyń, TJM №68303 áskerı bóliminiń qyzmetkerleri men ormanshylar jumyldyryldy. Qazirgi ýaqytta sol jerde 399 adam jáne 85 tehnıka jumys istep jatyr. Semeı qalasynda órt qaýiptiliginiń besinshi deńgeıi jarııalanǵan», - delingen aqparatta.
Aldyn ala boljam boıynsha, órt naızaǵaıdan shyǵýy múmkin. Áýeden monıtorıng jasaý úshin «Mı-2» tikushaǵy tartyldy.
"Adyrna" ulttyq portaly
