QR Aýyl sharýashylyǵy mınıstrligi "QTJ" UK" akıonerlik qoǵamymen el aımaqtaryn qant pen qant ónimderin kedergisiz jetkizý máselesin sheshti. Jergilikti bılikke jetkizilgen ónimdi jedel qabyldap, taratýdy qamtamasyz etýdi usyndy, dep habarlaıdy "Adyrna" ulttyq portaly.
QR Aýyl sharýashylyǵy mınıstrligi baspasóz qyzmetiniń habarlaýynsha "QTJ" UK" AQ-men kelisim boıynsha 28 mamyrdan bastap el aımaqtaryna úzilissiz jetkizý úshin qant tıelgen vagondardyń ótýine erekshe baqylaý ornatyldy.
"Qazirgi tańda Qazaqstan aýmaǵy boıynsha temirjol arqyly 152 vagon qant tasymaldanady. Sondaı-aq óńdeýge arnalǵan 116 vagon qant quraǵy shıkizaty temirjol arqyly jetkiziledi. Otandyq zaýyttar tarıftik jeńildikpen úshinshi elderden jetkiziletin shıki quraq qanttan qant óndiredi", - delingen aýyl sharýashylyǵy mınıstrligi taratqan habarlamada.
Oblys ákimdikterine jetkizilgen qantty jedel qabyldap, taratýdy qamtamasyz etý usynylady.
"Otandyq zaýyttarda qant óndirisi toqtamaıdy. Ony aımaqtarǵa úzdiksiz jetkizý júzege asyrylýda. Ónim qory únemi tolyqtyrylyp otyrady", - dep atap ótti aýyl sharýashylyǵy mınıstrliginiń baspasóz qyzmeti.
Qazaqstanda qantqa degen shekten tys suranys osy jyldyń naýryz aıynda Reseı bıligi ekonomıkalyq sankııalarǵa baılanysty elden jarty jylǵa qant eksportyna tyıym salǵanyn jarııalaǵannan keıin bastalǵan.
Kóptegen qazaqstandyqtar budan soń qantty saýda núktelerinen satyp alýǵa asyqty. Bul shaǵyn dúkender men iri saýda jelilerinde ónim baǵasynyń ósýine jáne onyń jetkiliksiz sanyna ákelip qana qoımaı sonymen qatar satýshylardy taýardy bir adamǵa satýdy shekteýge májbúr etti.
"Adyrna" ulttyq portaly
