Belgili jýrnalıst, jazýshy Dáýren Omarov «QazMunaıGaz» ulttyq kompanııasy baspasóz qyzmetiniń jetekshisi bolyp taǵaıyndaldy, dep habarlaıdy «Adyrna» tilshisi.
«Búginnen bastap «QazMunaıGaz» ulttyq kompanııasy baspasóz qyzmetiniń jetekshisi bolyp taǵaıyndalyp, jańa jumysqa kiristim. Elimizdiń iri kompanııasynyń tynys-tirshiligi týraly halyqty jáne BAQ ókilderin ýaqtyly habardar etip turýǵa bar kúsh-jigerimizdi jumsaımyz. Osy oraıda, jaýapty qyzmetti senip tapsyrǵan «QazMunaıGaz» UQ AQ basqarma tóraǵasy Maǵzum Maratuly Myrzaǵalıevke rızashylyǵymdy bildiremin. Jańa mindetterime jaýapkershilikpen qarap, abyroımen atqarýǵa tyrysamyn. Sizdermen únemi baılanysta bolamyz!»— dedi ol.
«Adyrna» ujymy Dáýren Baýyrjanulyn jańa qyzmetimen quttyqtap, sáttilik tileıdi!
