Qazaqtyń bári osyndaı deýden aýlaqpyn. Degenmen pikir bildirý mádenıetinen jurdaılary da az emes. "Dúnıe júzi qazaq qandastary" atty top paraqshasynda Bolathan Ámiruly
26 maıa v 18:51 mynadaı pikir bildiripti: "Moldalar! Dindi bilim dep shataspańyzdar! Ol - arabtardyń dástúri men tájirbıeleri. Arabtyń dástúri qazaqtyń ómirine sáıkes kelmeıdi!" dep pikir bildiripti.
Bolathannyń jazǵanyna qaıtarylǵan pikirlerdi oqyp otyryp tań qaldym. Ózderińiz oqyp kórińizdershi:
"Gaziz Askhat Ebbaıt...sony bizdiń ata-babalarymyz bilmeıd...sen bilip qaldyń.. ıo moıo";
"Nurjan Balg'abek Bolat sen tamaqtan aldyn qolyńdy jýasyń ba? Din qajet bolmasa ony istemeı-aq qoı! Óıtkeni tamaqtan aldyń qol jýýdy Islamnan basqa din úıretpegen!";
"Sabak Shari Quran býkil ǵylymdardyń atasy esekbas avtor"
Sonda myna jigitter pikir almasý men pikir bildirý mádenıeti baryn bilmegeni me? Bylapyt sóz aıtý dindar adam túgili eshkimge jaraspaıdy. Jáne tamaq isher aldynda qol jýýdy ıslam úıretken degen ne sóz? Qazaq ıslamǵa deıin qolyn jýmaı tamaq ishken be? Bireýge "Esekbas" dep pikir jaszatyn adamnyń basy qanda eken osy?
Osy oraıda aıtarym:
OILANYŃDAR QAZAQTAR; OILANYŃDAR!
Pikir anyq, túsinikti bolýy kerek. Aıtatyn oıyńdy túsinikti, júıeli etip bildirý pikir almasýdyń basty erejesi. Bir nárseni qorǵaımyn dep bylapyt sóz jazý, basqalardy kemsitý emes ózińdi masqaralaý!! Odan da durys sóıleýdi úırenińder.
Árıne, pikir bildirýshilerdiń jasy qanshada ekenin bilmeımin. Biraq naqty pikir bildirýdiń ornyna tıse terekke, tımese butaqqa degendeı jazylǵan sózderdi oqyp otyryp kóńilim qalyp jatatyn kez az bolmaıdy.
Oılanatyn jaǵdaı. Óz oıyn durys jetkize almaıtyn adam neni bolsa da túsinbek túgili ózin durys alyp júre almasy shyndyq.
Bir biriniń sózine osyndaı jaýap jazatyndar Qazaqty qalaı kórkeıtedi?!
Berdaly OSPAN,
"ADYRNA" ulttyq portaly
