Halyqty túgel tize búktirip, ımandylyqqa bet burǵyzǵysy keledi me?

3127
Foto: ashyq derekkózden
Foto: ashyq derekkózden
“Uly dala tańy” degen fılmdi tamashalap keldik. Alla degen sózden qulaq tundy. Namazǵa da qaıta-qaıta jarnama jasady. Aqan Sataev júrgen jerde dinniń ústemdik etetini "Qazaqfılmge" basshy bolyp kelgennen-aq bilip júrdik.
Aqordadaǵy ıdeologtarmen kelisip túsirgendikten olar halyqty túgel tize búktirip ımandylyqqa bet burǵyzǵysy keledi me degen oı keldi. Sháhıd, Ǵazaýat degen kirme sózder órip júr. Erik Joljaqsynov qana Alla deı berýge aýzy barmaǵan sııaqty bolyp kórindi.
Fılmde qazaqtarǵa "Ǵazaýat" jarııalaıdy. Maǵynasy - arabtardyń din jolyndaǵy qasıetti joryǵy..
Keıipkerlerdi barynsha ór tulǵaly, iri, etip kórsetkisi kelgen. Ony obektıvtiń túsirý bıiktiginen kórýge bolady. Jerge jaqyn alyp túsirgen, al adamǵa kelgende kókirek tusynan joǵarylamaıdy.
Óresi tómen adam dindar bolsa, tipti qıyn eken. Tekst álsiz, tym qarabaıyr. "Kóshpendiler" fılminiń jalǵasy sııaqty túsirilgen. Biraq ondaǵy vıjýal qatelerdi qaıtalamaǵan.
Masshtab bar. Krýpnyı planmen tabıǵattyń ásemdigin maıdan dalasyn, shaıqasý sátterin jaqsy kórsetken. Eki kadrdy aınytpaı Rıdlı Skottyń "arstvo nebesnoe" fıliminen alypty. Kórgen adam birden tanıdy.
Qudaı, táńir, árýaq degen bir túıir sóz aıtylmady. Sońyna deıin kúttim. Tipti sońynda shyǵatyn jazýdan da alyp tastaǵan. "Babalarǵa baǵyshtalady" dep qatyrady.
Messedj túsinikti. El bolaıyq, birigeıik degenge saıady. Biraq dindi nege bulaı qarabaıyr jolmen tyqpalaǵany túsiniksiz.
Meniń oıymsha, ıslam erkindikti súıetin, quldyqty moıyndamaıtyn, ádiletsiz hanǵa baǵynbaıtyn kóshpendi halyqtyń fılosofııasyna kelmeıdi. Islam dini - hanǵa qarsy shyqpaıtyn, otyryqshy halyqtarǵa maıdaı jaǵady. Al kóshpendiler han unamasa kóship kete salatyn bolǵan.
Abzal Dosym,
jýrnalıst, bloger.
Pikirler
Redakııa tańdaýy