Almatyda túrik ınvestorlarynyń qoldaýymen jańa farmaevtıkalyq kásiporyn salý josparlanýda. Bul týraly QR Densaýlyq saqtaý mınıstri Ajar Gınııat málimdedi, dep habarlaıdy "Adyrna" ulttyq portaly "Anadolu" basylymyna silteme jasap.
Tıisti kelisim túriktiń ataqty Atabay Kimya Sanayi Ticaret kompanııasymen jasaldy. Kásiporynǵa salynatyn ınvestıııa 10 mıllıon dollardy quraıdy.
"Bul — Túrkııa men Eýropadaǵy tanymal farmaevtıkalyq kompanııa. Qazir ol dári-dármektiń 20-dan astam túrin tirkep, elimizde osy preparattardy shyǵarýǵa daıyn. Áńgime ártúrli dáriler týraly bolyp otyr: qabynýǵa qarsy, antıbıotıkter, aýyrsynýdy basatyn, – dedi mınıstr.
Túrkııanyń Nobel Ilac farmaevtıkalyq kompanııasy da Qazaqstanǵa ınvestıııa salýǵa daıyn ekeni habarlandy.
Mınıstrdiń aıtýynsha, áńgime dári-dármektiń damýy, sondaı-aq onkologııalyq aýrýlarǵa arnalǵan preparattardy shyǵarý úshin klınıkalyq synaqtar júrgizý týraly bolyp otyr. "Olar bizdiń elge 50 mıllıon dollardan astam ınvestıııa salýǵa daıyn", - dedi mınıstr.
Jobany iske asyrý merzimi — 2023-2025 jyldar.
"Adyrna" ulttyq portaly
