Алматыда түрік инвесторларының қолдауымен жаңа фармацевтикалық кәсіпорын салу жоспарлануда. Бұл туралы ҚР Денсаулық сақтау министрі Ажар Гиният мәлімдеді, деп хабарлайды "Адырна" ұлттық порталы "Anadolu" басылымына сілтеме жасап.
Тиісті келісім түріктің атақты Atabay Kimya Sanayi Ticaret компаниясымен жасалды. Кәсіпорынға салынатын инвестиция 10 миллион долларды құрайды.
"Бұл — Түркия мен Еуропадағы танымал фармацевтикалық компания. Қазір ол дәрі-дәрмектің 20-дан астам түрін тіркеп, елімізде осы препараттарды шығаруға дайын. Әңгіме әртүрлі дәрілер туралы болып отыр: қабынуға қарсы, антибиотиктер, ауырсынуды басатын, – деді министр.
Түркияның Nobel Ilac фармацевтикалық компаниясы да Қазақстанға инвестиция салуға дайын екені хабарланды.
Министрдің айтуынша, әңгіме дәрі-дәрмектің дамуы, сондай-ақ онкологиялық ауруларға арналған препараттарды шығару үшін клиникалық сынақтар жүргізу туралы болып отыр. "Олар біздің елге 50 миллион доллардан астам инвестиция салуға дайын", - деді министр.
Жобаны іске асыру мерзімі — 2023-2025 жылдар.
"Адырна" ұлттық порталы
