Qazaqstandyq kásipqoı boksshy Gennadıı Golovkın álemniń eks-chempıony ulybrıtanııalyq kishi Krıs Iýbenkpen jekpe-jek ótkizýi múmkin. Bul týraly ulybrıtanııalyq sportshy Thaboxingvoice YouTube-arnasyna bergen suhbatynda aıtty, dep habarlaıdy “Adyrna” tilshisi
"Golovkın menimen jekpe-jek ótkizýine týra keledi dep oılaımyn. Bul kezdesýdi jyldar boıy kútip kelemin. Qazir oraıy kelip turǵan sekildi. Árdaıym úlken jekpe-jekter ótkizýge tyrysamyn. Onyń eki belbeýi bar. Sondyqtan kezdesý uıymdastyrýymyz kerek", - dedi ol.
Jýrnalıstiń "Golovkındi nokaýtqa túsire alasyz ba?" degen suraǵyna ulybrıtanııalyq boksshy senimdi jaýap berdi.
"Álbette. Qazir meniń ýaqytym keldi. Naǵyz babymdamyn. Ózime yńǵaıly orta salmaqqa oraldym. Sondyqtan ózime senimdimin", - dedi kishi Iýbenk.
“Adyrna” ulttyq portaly
