Qostanaılyq prokýror óz-ózine qol jumsady

3149
Adyrna.kz Telegram

Qostanaıda qala prokýratýrasynyń qoǵamdyq múddelerdi qorǵaý bóliminiń aǵa prokýrory asylyp óldi. Oqıǵanyń sebepteri anyqtalýda, - dep habarlaıdy "Adyrna" tilshisi Our Kostanay basylymyna silteme jasap.

Qostanaı oblysy prokýratýrasynyń baspasóz qyzmeti qaıǵyly oqıǵa 5 mamyrda bolǵanyn naqtylady.

"Qostanaı oblysy aýmaǵyndaǵy orman beldeýinde Qostanaı qalalyq prokýratýrasynyń qoǵamdyq múddelerdi qorǵaý bóliminiń aǵa prokýrory Darhan Bısahalovtyń máıiti aǵashtan tabyldy. 28 jastaǵy prokýror asylyp óldi», - dep habarlady basylym.

Er adamnyń artynda áıeli men kishkentaı qyzy qaldy deıdi.

"Prokýrordyń óz-ózine qol jumsaý faktisi Sotqa deıingi tergep-tekserýdiń biryńǵaı tizilimine tirkeldi, Qostanaı oblysynyń polıııa departamenti tergeý júrgizip jatyr. Oqıǵanyń sebepteri anyqtalýda", - dep habarlaıdy portal prokýratýranyń túsiniktemelerine silteme jasap.

Darhan Bısahalov eńbek jolyn Denısov aýdandyq prokýratýrasynyń prokýrory bolyp bastady. Sońǵy laýazymy – Qostanaı qalasy prokýratýrasynyń qoǵamdyq múddelerdi qorǵaý bóliminiń aǵa prokýrory. Prokýratýra organdaryndaǵy jumys ótili – 4 jyl.

"Adyrna" ulttyq portaly

Pikirler