Öskemen qalasynyŋ prokurory qyzmetınen uaqytşa şettetıldı. Qazırgı taŋda qyzmettık tekserıs jürıp jatyr, dep habarlaidy «Adyrna» tılşısı.
«Şyǧys Qazaqstan oblysynyŋ prokuraturasy äleumettık jelılerde taralyp jatqan Öskemen qalasy prokuraturasy qyzmetkerlerıne qatysty aqparat boiynşa kelesını habarlaidy. Öskemen qalasynyŋ prokuroryna qatysty qyzmettık tekserıs jürgızılude. Qazaqstan Respublikasynyŋ «Qūqyq qorǧau qyzmetı turaly» Zaŋyna säikes, ol özıne qatysty jauaptylyq turaly şeşım qabyldanǧanǧa deiın uaqytşa atqaratyn lauazymynan şettetıldı»,–delıngen habarlamada.
Öskemen qalasy prokuraturasynyŋ özge qyzmetkerlerıne qatysty mälımetter boiynşa būǧan deiın de qyzmettık tekserıster jürgızılgen. Atalǧan män-jailardyŋ bır bölıgı rastalyp, körsetılgen qyzmetkerler qyzmettık ädep normalaryn būzǧany üşın tärtıptık jauaptylyqqa tartylǧan.
Şyǧys Qazaqstan oblysy prokuraturasynyŋ resmi derekterıne säikes, 2024 jyldyŋ 7 mausymynan bastap Öskemen qalasynyŋ prokurory qyzmetın Timur Şaqpantaev atqaryp keledı. Ol 1987 jyly düniege kelgen. QAEU-dı zaŋger mamandyǧy boiynşa, al S. Amanjolov atyndaǧy joǧary oqu ornyn ekonomist mamandyǧy boiynşa bıtırgen. Eŋbek jolyn 2011 jyly Ridder qalalyq prokuraturasynda bastaǧan.
Timur Şaqpantaevtyŋ äkesı Qairat Şaqpantaev Şyǧys Qazaqstan oblystyq sotynyŋ töraǧasy bolǧan.
Eske salaiyq, būǧan deiın mas küide äuejaida şu şyǧarǧan aqtaulyq prokuror Erbolat Äbdırov ūsaq būzaqylyq jasaǧany üşın kınälı dep tanylǧan bolatyn.
