Ýkraına Reseıdegi Qyrym kópirine soqqy bermek. Bul týraly Ýkraınanyń ishki ister mınıstriniń keńesshisi Vıktor Andrýsıv málimdedi, jep habarlaıdy “Adyrna” ulttyq portaly.
“Qyrym kópirin mindetti túrde joıamyz, bul ýaqyt máselesi… Tapsyrmany oryndaý úshin ýkraın armııasynda qajetti qarýlar bar, biraq Azov teńizine taǵy da jaqyn jyljýymyz kerek»,- dedi Vıktor Andrýsıv.
“Vot tak» basylymy birneshe kún buryn Qyrym kópiri 9 mamyr kúni jarylýy múmkin degen aqparat taratqan.
Osynyń aldynda Latvııa qarýly kúshteriniń ókili Ianıs Slaıdınsh te 9 mamyr kúni ýkraın áskeri Qyrym kópirine soqqy berýi múmkin degen boljamyn aıtqan. Bul mańyzdy strategııalyq nysan ekenin, eger ol joıylsa, Reseı úshin aýyr soqqy bolatynyn aıtqan.
Reseı men anneksııalanǵan Qyrymdy qosatyn kópir 2019 jyly salynǵan. Onyń qashyqtyǵy – 19 shaqyrym. Qurylysty salýǵa 250 mlrd rýbl jumsalǵan.
Reseı Ýkraınaǵa basyp kirgeli beri Azov teńiziniń jaǵalaýyn tolyq baqylaýyna alǵan. Bul ázige RF úshin Qyrym túbegin tolyq baqylaýǵa múmkindik berip tur.
“Adyrna” ulttyq portaly
