Mamyr aıynyń besinshi juldyzynda, Turan ýnıversıtetinde, ekinshi Dúnıejúzilik soǵys jyldarynan keıin eńbek jolyn qatardaǵy ekonomıst bolyp bastaǵan akademık Túımebaı Áshimbaevtyń "Otandy qorǵaýda" gazetiniń 80 jyldyǵy qarsańynda "Maıdan jýrnalıstıkasy" atty taqyrypta dóńgelek ústel ótti. Oǵan qoǵam qaıratkerleri, ǵalymdar, áskerı taqyrypta qalam terbep júrgen jazýshy, pýblııst, jýrnalıster qatysty. Sondaı-aq, dóńgelek ústelge belsendiler onlaın da qatysyp, kózaıym bola aldy.
"Otandy qorǵaýda" gazetiniń alǵashqy nómiri Uly Otan soǵysy kezinde, 1942 jyldyń 11 maýsymynda jaryq kórgen bolatyn. Onda negizinen qorshaýda qalǵan qala turǵyndarynyń aýyr hali men qazaq jaýyngerleriniń surapyl soǵystaǵy qaıtpas qaısarlyǵy jazyldy. Bul merzimdi basylymǵa Lenıngradty qorǵaǵan jaýynger qazaqtardyń erligi jaıly enıklopedııa degen baǵa berilgen. Turan ýnıversıteniniń rektory, professor Rahman Alshanuly "Otandy qorǵaýda" gazetin oqyp zertteý barysynda onda kórsetligen myńnan asa qazaq jaýyngerleriniń esimin tapqanyn, birqatar maqalalar, erjúrek batyrlardyń fotosýretterimen berilgenin jáne bul materıaldar zertteýshilerge qoljetimdi bolýy tıis ekenin atap ótti:
"Soıalıster bul gazetti taldaǵandarynda, "eń ozyq shyqqan eńbek" dep atady. Kóbi belgisiz kúıde qalǵan myń adamnyń aty atalady. Ókinishke qaraı, qazaqtardy kóp maqtadyńdar dep, ultshyl dep tanyǵan soń 1945 jyly úsh adamdy qamap, ekeýi qaıtys boldy" dedi ol.
Dóńgelek ústel barysynda Turan ýnıversıteti "Jýrnalıstıka jáne aýdarma isi" kafedrasynyń oqytýshysy, "Jýrnalıster odaǵynyń" múshesi Sáýle Isaevnanyń derekti fılmi kórsetildi.
Is-sharanyń uıymdastyrýshysy, fılologııa ǵylymdarynyń kandıdaty, doent Týlekova Gúljan Qajymuratqyzy tyń derekterdi izdeýde taısalmaı, Túımebaı Áshimbaev týraly jańa maǵlumattardyń aqtarylyp, jańa zertteýlerdiń ashylýyna arqaý boldy.
Dóńgelek ústelge Qazaqstan Jýrnalıster Akademııasynyń prezıdenti, tarıh ǵylymdarynyń doktory, Saǵymbaı Qozybaev, ekonomıka ǵylymdarynyń doktory Ýsen Alımbetov, Jazýshylar odaǵynyń múshesi Baýyrjan Jaqyp, tarıh ǵylymdarynyń doktory Láılá Seısenbekqyzy, "Adyrna" ulttyq-etnografııalyq birlestiginiń dırektory Arman Áýbákir, "Qazaqstan dáýiri" gazetiniń tilshisi Shargúl Qasymhanqyzy, Sýretshiler odaǵynyń tóraǵasy Ómirbek Jubanııazov jáne "Ana tili" gazetiniń ókilderi qatysty.
Jıynǵa qatysýshylar maıdan taqyrybyndaǵy tyń zertteýler jaıly oı bólisip, buryn-sońdy jarııalanbaǵan qyzyqty derekterdi jarııa etti. Is-shara sońynda sońǵy jyldary qazaq jaýyngerleriniń Uly Otan soǵysyndaǵy kózsiz erlikterin zertteýge qulshynysy kóbeıgen stýdent jastardyń artýyna muryndyq bolǵan Gúljan Qajymuratqyzynyń jańa zertteýlerdiń paıda bolýyndaǵy qajyrly eńbegi úshin kópshilik alǵystaryn jaýdyrdy.
Dına LITPIN,
"Adyrna" ulttyq portaly
