Shymkentte óz kásibin bastaýǵa beriletin kólemi 400 AEK quraıtyn memlekettik qaıtarymsyz grantqa qujat qabyldaýdyń birinshi legi (potok) aıaqtalyp, 300-den astam úmitker ózderiniń bıznes jobalaryn arnaıy qurylǵan komıssııanyń aldynda qorǵaýdy bastady.
Tıisti jumystar eki kún boıy júrgiziledi. Aıta ketý kerek, birinshi lekke qujat qabyldaý 1 sáýir kúni bastalyp, 2019,2020,2021 jyldary “Atameken” palatasynyń “Bastaý bıznes” jobasy boıynsha oqyp, sertıfıkat alǵan azamattar on bes kúnniń ishinde busines.enbek.kz portaly arqyly tıisti qujattaryn onlaın tapsyrǵan.
Jalpy, 2022 jyly atalǵan grantpen birneshe lek (potok) boıynsha 1150 adamdy qamtý josparlanyp otyr. Ótken jyly 700-den astam shymkenttik kólemi 200 AEK (583 000 tg.) grantqa ıe bolǵan.
