Qazaqstandyq boksşy Sūltan Zaurbek (15-0, 11 KO) Braitonda (Angliia) ötken boksta argentinalyq boksşymen jūdyryqtasyp, jeŋıske jettı, dep habarlaidy Sports.kz-ke sılteme jasap.
Sūltan Zaurbek argentinalyq Serhio Martin Sosamen (13-3, 3 KO) jekpe-jekke tüstı. Būl doda ekınşı jeŋıl salmaqta ötıp, qazaqstandyq boksşynyŋ jeŋısımen aiaqtaldy. Boksşy qarsylasyn altynşy raundta tehnikalyq nokautqa tüsırdı, oǧan deiın argentinalyq qarsylasy ekı ret nokdaun aldy. Osylaişa, Sūltan Zaurbek käsıpqoi mansabyndaǧy 16-jeŋısıne qol jetkızse, Serhio Martin Sosa törtınşı ret jeŋıldı. Būǧan deiın Zäuırbek WBO «europalyq» jäne WBC jastar belbeuın jeŋıp alǧan bolatyn. Sondai-aq şeteldık jurnalister men kommentatorlar Sūltan Zaurbektı «jaŋa Gennadii Golovkin» jäne «Qazaq patşasy» dep atady.
«Adyrna» ūlttyq portaly
Ūqsas jaŋalyqtar
